IPL 2024 (CSK vs PBKS Match Update) : आयपीएल 2024 मधील 49 वा सामना आज (बुधवार,1 मे) चेपॉकमध्ये चेन्नई सुपर किंग्ज आणि पंजाब किंग्ज यांच्यात रंगणार आहे. हा सामना संध्याकाळी 7.30 वाजता सुरू होणार आहे. दोन्ही संघांमधील हा सामना चेन्नईच्या होम ग्राउंड चेपॉकवर खेळला जाईल. चेन्नई आणि पंजाब या दोन्ही संघांनी यापूर्वीचे सामने जिंकले आहेत. या सामन्यात चेन्नई आपली लय कायम राखण्याचा प्रयत्न असेल, तर पॉइंट टेबलमध्ये आठव्या स्थानावर असलेल्या पंजाबचे लक्ष प्लेऑफच्या शर्यतीत कायम राहण्यावर असेल.

पंजाब किंग्जचा नियमीत कर्णधार शिखर धवन आजही खेळत नाहीये. त्याच्या जागी सॅम करन आजही कर्णधार आहे. तत्पूर्वी, झालेला नाणेफेकीचा कौल ( Toss Update ) हा  पंजाब किंग्ज संघाच्या बाजूनं लागला आहे. ( Punjab Kings Won the Toss & elected to Field ) पंजाब किंग्जचा कर्णधार सॅम करनने नाणेफेक जिंकून चेन्नई सुपर किंग्जविरुद्ध प्रथम गोलंदाजी करण्याचा निर्णय घेतला आहे.

🚨 Toss 🚨@PunjabKingsIPL win the toss and elect to bowl against @ChennaiIPL

Follow the Match ▶️ https://t.co/EOUzgkM7XA#TATAIPL | #CSKvPBKS pic.twitter.com/1Y83T5v7Of

— IndianPremierLeague (@IPL) May 1, 2024

चेपॉक मैदान हे चेन्नई सुपर किंग्जचा गड मानला जातो. येथे संघ खूप मजबूत आहे, त्यांना पराभूत करणे सोपे काम नाही. येथे गोलंदाजांना खेळपट्टीची मदत मिळते. या मैदानावर फलंदाजांना धावा काढणे थोडे अवघड आहे, कारण खेळपट्टी फिरकीपटू आणि वेगवान गोलंदाज दोघांनाही मदत करते. दव हा देखील येथे एक घटक बनतो. अशा स्थितीत नाणेफेक महत्त्वाची ठरते.

T20 World Cup 2024 : SRH-LSGच्या एकाही खेळाडूचा T20 वर्ल्डकप संघात समावेश नाही..! जाणून घ्या, कोणत्या संघातील किती खेळाडूंना मिळाली संधी…

दरम्यान, चेन्नई सुपर किंग्स आणि पंजाब किंग्स हे आयपीएलमध्ये आतापर्यंत 28 वेळा आमनेसामने आले आहेत. यामध्ये चेन्नईने 15 वेळा, तर पंजाबने 13 वेळा विजय मिळवला. यावेळीही चेन्नईचा संघ मजबूत आणि चांगला आहे. त्याचबरोबर पंजाबची कामगिरी चांगली झालेली नाही. संघाने फलंदाजी आणि गोलंदाजी या दोन्हीमध्ये केवळ सरासरी कामगिरी केली आहे.