Indian Para Table Tennis Players Win Record Five Bronze Medals in Asian Para Games 2026 : जपानमधील नागोया येथे सुरू असलेल्या आशियाई पॅरा गेम्स २०२६ मध्ये भारतीय पॅरा टेबल टेनिसपटूंनी अप्रतिम खेळाचे प्रदर्शन करत नवा इतिहास रचला आहे. भारतीय खेळाडूंनी दमदार खेळ करत टेबल टेनिस प्रकारात तब्बल पाच कांस्यपदके आपल्या नावावर केली आहेत. या ऐतिहासिक यशासह भारताने आशियाई पॅरा गेम्सच्या इतिहासातील टेबल टेनिसमधील आपल्या मागील सर्व पदकांचे विक्रम मोडीत काढले आहेत. या विक्रमी मोहिमेत रवी बेबी सहाना आणि प्राची पांडे यांची कामगिरी विशेष ठरली, ज्यांनी स्टँडिंग प्रकारात भारताला पहिलेवहिले पदक मिळवून दिले.

सहाना आणि प्राचीची स्टँडिंग प्रकारात ऐतिहासिक भरारी –

तमिळनाडूची रवी बेबी सहाना आणि प्राची पांडे यांनी आशियाई पॅरा गेम्सच्या इतिहासात स्टँडिंग प्रकारात पदक जिंकणाऱ्या पहिल्या भारतीय खेळाडू ठरण्याचा मान मिळवला. क्लास ९ च्या उपांत्य फेरीत सहानाला चीनच्या पाच वेळच्या पॅरालिम्पिक सुवर्णपदक विजेत्या माओ जिंगडियनविरुद्ध ८-११, २-११, ४-११ असा पराभव पत्करावा लागला. तर क्लास ६ च्या उपांत्य फेरीत प्राची पांडेला इराकच्या विद्यमान पॅरालिम्पिक विजेत्या नजला अल-दाय्येनीने ९-११, २-११, ८-११ असे हरवले. दोन्ही खेळाडूंचे सुवर्णपदक हुकले असले तरी त्यांनी कांस्यपदक निश्चित करून इतिहास घडवला.

भाविना पटेल आणि सोनल पटेल यांची पदकांवर मोहोर –

Ravi Baby Sahana and Prachi Pandey scripted history by becoming India’s first para table tennis players to make the podium in the standing category at the Asian Para Games, as the country secured five bronze medals in Nagoya on Tuesday.

Read More: https://t.co/X4q01Uh1yd https://t.co/OZxzVGhfNB

— DD NEWS SRINAGAR (@ddnewsSrinagar) October 20, 2026

अनुभवी पॅरालिम्पिक पदक विजेती भाविना पटेल हिने महिला एकेरी क्लास ४-५ च्या उपांत्य फेरीत प्रवेश केला होता. मात्र चीनच्या आठ वेळच्या पॅरालिम्पिक चॅम्पियन झांग बियानविरुद्ध ७-११, ५-११, ७-११ असा पराभव झाल्याने तिला सलग दुसऱ्यांदा कांस्यपदकावर समाधान मानावे लागले. दुसरीकडे क्लास ३ च्या उपांत्य फेरीत सोनल पटेलला दक्षिण कोरियाच्या गतविजेत्या जिऊ यूनने ७-११, ५-११, ६-११ असे पराभूत केले. त्यामुळे सोनल पटेलच्या खात्यातही कांस्यपदक जमा झाले.

हेही वाचा – Hardik Pandya Fan : फक्त एका भेटीसाठी १००० किमी पायी प्रवास! हार्दिकला भेटताच चाहता भावुक; पाहा स्टार खेळाडूने काय केलं?

जहान मदानने पटकावले पाचवे पदक; भारताची सर्वोत्तम मोहीम –

Another Medal in Para Table Tennis! 🥉

Jehan Dorab Madan wins Bronze in Men’s Singles Class 1 at the #AsianParaGames2026, taking India’s Para Table Tennis medal tally to five. 👏

#AichiNagoya2026 #TeamIndia #Cheer4Bharat https://t.co/QzQyZiCBR6

— Dept of Sports, Govt of India (@IndiaSports) October 20, 2026

पुरुषांच्या एकेरी क्लास १ (व्हीलचेअर श्रेणी) प्रकारात जहान मदान याने पाच खेळाडूंच्या राऊंड-रॉबिन फेरीत चौथे स्थान पटकावत भारताच्या खात्यात पाचवे कांस्यपदक जोडले. या पाचही भारतीय खेळाडूंनी जागतिक दर्जाच्या आणि पॅरालिम्पिक विजेत्या खेळाडूंना कडवी झुंज दिली. पाच पदके जिंकत आशियाई पॅरा गेम्सच्या टेबल टेनिस प्रकारातील भारताची ही आतापर्यंतची सर्वात यशस्वी आणि ऐतिहासिक मोहीम ठरली आहे.