Deepthi Jeevanji Smashes Asian Para Games Record Wins Gold in 400m : जपानमध्ये सुरू असलेल्या आशियाई पॅरा गेम्स २०२६ मध्ये भारतीय खेळाडूंचा ऐतिहासिक सुवर्णक्रम सुरूच आहे. २० ऑक्टोबर रोजी ॲथलेटिक्स ट्रॅकवर भारताची स्टार धावपटू दीप्ती जीवनजी हिने अप्रतिम कामगिरी करत भारताला सुवर्णपदक मिळवून दिले. महिलांच्या ४०० मीटर टी-२० प्रकारात तिने ५६.३६ सेकंदांची विक्रमी वेळ नोंदवत सुवर्णपदकावर नाव कोरले. यासह तिने या स्पर्धेत नवा ‘गेम्स रेकॉर्ड’ही आपल्या नावावर नोंदवला. या स्पर्धेतील भारताचे हे पाचवे सुवर्णपदक ठरले असून, दुसऱ्या दिवशी भारताच्या सुवर्ण मोहिमेची सुरुवात दीप्तीने केली.

दोन सेकंदांपेक्षा मोठ्या फरकाने जपानी प्रतिस्पर्ध्याला नमवले –

पॅरिस पॅरालिम्पिक २०२४ मधील कांस्यपदक विजेत्या दीप्तीने सुरुवातीपासूनच शर्यतीवर पूर्ण नियंत्रण राखले होते. तिने आपली सर्वात कट्टर प्रतिस्पर्धी जपानच्या नीना कानोला तब्बल दोन सेकंदांपेक्षा जास्त फरकाने मागे टाकले. कानोने ५८.९२ सेकंदांत रौप्यपदक मिळवले, तर जपानच्याच अकाने काटोने १ मिनिट ०.२६ सेकंदाची वेळ नोंदवून कांस्यपदक जिंकले. दीप्तीच्या या ऐतिहासिक सुवर्ण कामगिरीमुळे भारतीय खेळाडूंमध्ये नवा उत्साह संचारला असून, आंतरराष्ट्रीय स्तरावर भारताचा दबदबा सिद्ध झाला आहे.

प्रमोद भगत-मनीषा रामदास जोडीचे पदक निश्चित –

CM Mohan Yadav hails Deepthi Jeevanji’s back-to-back Para Games gold

MP CM Dr. Mohan Yadav congratulated Deepthi Jeevanji for defending her Women’s 400m T20 gold at Asian Para Games 2026 with a Games Record of 56.36 seconds.

https://t.co/n0C1FX44wR https://t.co/Y3pcrn4m6O

— NationPress (@np_nationpress) October 20, 2026

पॅरा बॅडमिंटन कोर्टवरही भारतासाठी मोठी खुशखबर आली. प्रमोद भगत आणि मनीषा रामदास या भारतीय मिश्र जोडीने उपांत्य फेरीत धडक मारत भारताचे किमान कांस्यपदक पक्के केले आहे. SL3-SU5 वर्गवारीच्या उपांत्यपूर्व फेरीत भारतीय जोडीने थायलंडच्या चनिडा श्रीनावाकुल आणि सिरिपोंग टीमारोम यांचा अवघ्या २५ मिनिटांत २१-१५, २१-१४ असा सरळ गेममध्ये धुव्वा उडवला. आता ही जोडी अंतिम फेरीत पोहोचून पदकाचा रंग बदलण्यासाठी मैदानात उतरेल.

हेही वाचा – Para Table Tennis : आशियाई पॅरा गेम्समध्ये भारतीय पॅरा टेबल टेनिसपटूंची ऐतिहासिक कामगिरी; नागोयामध्ये तब्बल ५ कांस्यपदकांवर कोरलं नाव

तिरंदाजीत भारतीय खेळाडूंचा क्वार्टर फायनलमध्ये जलवा –

तिरंदाजीच्या मैदानातही भारतीय तिरंदाजांनी वर्चस्व कायम राखले. रिकर्व्ह प्रकारात पॅरालिम्पिक पदक विजेता हरविंदर सिंग आणि भावना यांनी उपांत्यपूर्व फेरी गाठली. तर दुसरीकडे कंपाऊंड प्रकारात स्टार तिरंदाज शीतल देवी, पायल नाग, तोमन कुमार आणि श्याम सुंदर स्वामी यांनीही आपापल्या लढती जिंकत अंतिम आठमध्ये दिमाखात प्रवेश मिळवला असून पदकांच्या आशा उंचावल्या आहेत.