Cheerleaders per match salary in IPL : आयपीएलमध्ये चौकार-षटकार मारल्यानंतर किंवा विकेट्स पडल्यानंतर कोणत्या ना कोणत्या संघासाठी आनंदाचा क्षण असतो. त्यावेळी खेळाडू आणि चाहतेही सेलिब्रेशन करतात. त्याचबरोबर स्टेडियमध्ये फटाक्यांचची आतषबाजीही पाहायला मिळते. तसेच, या खास क्षणांसाठी प्रत्येक संघांकडे चीअरलीडर्स देखील असतात, ज्या आपापल्या संघाचा आनंद द्विगुणीत करण्यासाठी डान्स करताना दिसतात. प्रत्येक संघ त्यांच्या फ्रँचायझीसाठी चौकार आणि षटकार साजरे करण्यासाठी चीअरलीडर्सना नियुक्त करतो.
सामन्यादरम्यान दोन्ही संघांच्या चीअरलीडर्स स्टेडियममध्ये उपस्थित असतात. जेव्हा फलंदाजी करणारा संघ चौकार आणि षटकार मारतो, तेव्हा त्या संघाच्या चीअरलीडर्स आनंदाने नाचू लागतात. तसेच जर गोलंदाजी करणाऱ्या संघाने विकेट्स घेतली तर त्याचा संघाचा आनंद चीअरलीडर्सच्या डान्समधून दिसून येतो. पण तुम्ही कधी विचार केला आहे का की चीअरलीडर्सना एका सामन्यासाठी किती पैसे मिळतात, चला जाणून घेऊया.
चीअरलीडर्सना किती पैसे मिळतात?
आयपीएलएसएन डॉट कॉमनुसार, चीअरलीडर्सना एका सामन्यासाठी १२,००० ते २४,००० रुपयांपर्यंत पैसे दिले जातात. चीअरलीडर्सचा पगार संघानुसार बदलतो. कोलकाता नाईट रायडर्स फ्रँचायझी त्यांच्या चीअरलीडर्सना सर्वाधिक पैसे देते. केकेआर फ्रँचायझी एका सामन्यासाठी चीअरलीडर्सना सुमारे २४ हजार रुपये देते.
हेही वाचा – KKR vs PBKS : प्रभसिमरन आणि प्रियांशचा जलवा! गिल-सुदर्शनला मागे टाकत केला खास पराक्रम
या यादीत रॉयल चॅलेंजर्स बंगळुरू आणि मुंबई इंडियन्स दुसऱ्या स्थानावर आहेत. आरसीबी आणि एमआय त्यांच्या संघाच्या चीअरलीडर्सना एका सामन्यासाठी सुमारे २०,००० रुपये देतात. चेन्नई सुपर किंग्ज (CSK), पंजाब किंग्ज (PBKS) आणि सनरायझर्स हैदराबाद (SRH) यासह आयपीएलमधील इतर संघ, सर्व फ्रँचायझी त्यांच्या संघाच्या चीअरलीडर्सना एका सामन्यासाठी १२,००० ते १७,००० रुपयांपर्यंत पैसे देतात.
हेही वाचा – CSK vs SRH : ‘RCB प्रमाणे आम्हीही…’, प्लेऑफमध्ये पोहोचण्याबाबत नितीश रेड्डीने व्यक्त केला विश्वास
चीअरलीडर्सना पगाराव्यतिरिक्त अतिरिक्त फायदे देखील मिळतात. काही फ्रँचायझी संघ जिंकल्यास किंवा चीअरलीडर्सच्या कामगिरीवर अतिरिक्त फायदे देखील देतात. याशिवाय, चीअरलीडर्सचा प्रवास खर्च आणि जेवणाचा खर्च देखील फ्रँचायझीकडून केला जातो. चीअरलीडर्सच्या पगाराचे हे आकडे गेल्या आयपीएल हंगामाप्रमाणे आहेत. आयपीएल २०२५ साठी चीअरलीडर्सच्या पगारात काही फरक असू शकतो.
