KKR vs PBKS Priyansh Arya and Prabhsimran Singh biggest partnership against KKR : आयपीएल २०२५ मधील ४४व्या सामन्यात प्रभसिमरन सिंग आणि प्रियांश आर्य यांच्या शतकी भागीदारीच्या जोरावर पंजाब किंग्जने केकेआरसमोर २०२ धावांचे लक्ष्य ठेवले आहे. नाणेफेक जिंकून प्रथम फलंदाजी केल्यानंतर पंजाब किंग्जकडून प्रभसिमरन सिंगने सर्वाधिक ८३ धावांची खेळी खेळली. तर प्रियांशने ६९ धावा केल्या. या दोघांनी जोरदार फटकेबाजी करत कोलकाता नाईटविरुद्ध मोठा विक्रम केला आहे.
कोलकात्यात पंजाबच्या सिंहांनी केली गर्जना –
प्रभसिमरन सिंग आणि प्रियांश आर्य यांनी कोलकाताविरुद्ध चमकदार कामगिरी केली. पहिल्या विकेट्ससाठी दोघांमध्ये १२० धावांची भागीदारी झाली. या आयपीएलमध्ये कोलकाताविरुद्ध कोणत्याही सलामी जोडीने केलेली ही सर्वात मोठी भागीदारी आहे. त्याआधी, गुजरात टायटन्सच्या शुबमन गिल आणि साई सुदर्शन यांनी पहिल्या विकेट्ससाठी ११४ धावांची भागीदारी केली होती.
2️⃣0️⃣1️⃣ to defend! 💪🏻
Let’s get the job done. pic.twitter.com/N0ccZ0nbYp
— Punjab Kings (@PunjabKingsIPL) April 26, 2025
आयपीएल २०२५ मध्ये केकेआरविरुद्धच्या सर्वोच्च सलामी भागीदारी –
- प्रभसिमरन सिंग आणि प्रियांश आर्य – १२०
- शुबमन गिल आणि साई सुदर्शन – ११४
- मिचेल मार्श आणि एडेन मार्करम – ९९
- विराट कोहली आणि फिल साल्ट -९५
हेही वाचा – CSK vs SRH : ‘RCB प्रमाणे आम्हीही…’, प्लेऑफमध्ये पोहोचण्याबाबत नितीश रेड्डीने व्यक्त केला विश्वास
या सामन्यात नाणेफेक जिंकून प्रथम फलंदाजी करताना पंजाब किंग्जने २० षटकांत चार गडी गमावून २०१ धावा केल्या. सलामीवीर प्रभसिमरन सिंग आणि प्रियांश आर्य शतकी भागीदारी करत कर्णधार श्रेयस अय्यरचा निर्णय योग्य ठरवला. प्रभसिमरन सिंगने ४९ चेंडूंचा सामना करकाना ६ षटकार आणि तितक्याच चौकारांच्या मदतीने ८३ धावांची वादळी खेळी साकारली. त्याचबरोबर प्रियाशने ३५ चेंडूंत ८ चौकार आणि ४ षटकार लगावत ६९ धावांचे योगदान दिले.
