Abhijeet Dipke – दिल्लीतील प्रचंड बंदोबस्त, सार्वजनिक वाहतुकीवर निर्बंध लादले जाण्याची शक्यता आदींवरून कॉक्रोच जनता पार्टीने (सीजेपी) केंद्र सरकारवर जोरदार टीकास्त्र सोडले. जेन-झीच्या धास्तीने एकप्रकारे आणीबाणी लादली गेली असल्याचे सीजेपीने म्हटले.

दिल्लीतील जंतर-मंतरवर उद्या (शनिवार) आंदोलन करण्याची योजना सीजेपीचे सदस्य ठरल्याप्रमाणे पुढे नेतील. युवकांची धास्ती वाटत असेल; तर केंद्र सरकारने संपूर्ण देश बंद करावा, अशी उपरोधिक प्रतिक्रियास सीजेपीचा संस्थापक अभिजीत दिपके याने दिली.

बंगळुरूहून परतल्यानंतर तो मुंबई विमानतळावर पत्रकारांशी बोलत होता. त्याने केंद्र सरकारला अटकेचेही आव्हान दिले. सीजेपीचा नेता सौरभ दास याने देशातील स्थितीची तुलना आणीबाणीशी केली.

भाजपशासित राज्यांमध्ये सीजेपी सदस्यांना ताब्यात घेतले जात आहे. अनेकांना नजरकैदेत ठेवण्यात आले आहे, असा आरोपवजा दावा त्याने केला.