Ayush Komkar Murder Case : पुणे शहरात एका १९ वर्षांच्या मुलाच्या हत्येनंतर टोळीयुद्ध समोर आलं आहे. गणेश विसर्जनाच्या पूर्वसंध्येला पुण्यातील नाना पेठ परिसरातील गोविंदा उर्फ आयुष कोमकर या १९ वर्षांच्या पोराची गोळ्या झाडून निर्घूणपणे हत्या करण्यात आली होती. या घटनेमुळे पुणे हादरलं असून शहरात एकच खळबळ उडाली होती. नाना पेठेतील घराच्या पार्किंगमध्ये दबा धरून बसलेल्या इसमांनी ५ सप्टेंबर या दिवशी रात्री साडेआठ वाजण्याच्या सुमारास क्लासवरून आपल्या घरी परतलेल्या आयुषवर ११ गोळ्या झाडल्या. यातल्या तीन गोळ्या त्याला लागल्या. या घटनेत आयुष कोमकरचा दुर्देवी मृत्यू झाला. आता ही घटना घडल्यानंतर त्याच्या आईने घटनेबाबत पोलिसांना माहिती दिली आहे. पोटच्या मुलाला रक्ताच्या थारोळ्यात पडल्याचं पाहिल्यानंतर मयत आयुष कोमरची आई कल्याणी गणेश कोमकर यांनी हंबरडा फोडला. त्यांनी या प्रकरणी पोलिसात तक्रार दिली आहे. त्यानंत या प्रकरणी पोलिसांनी एकूण ११ जणांवर गुन्हा दाखल केला आहे. आयुष्यची आई काय म्हणाली? वनराज आंदेकरचा खून झाल्यापासून आंदेकर टोळीतील लोक त्याचा बदला घेण्यासाठी आमच्यावर पाळत ठेवून आहेत. ५ सप्टेंबर रोजी सायंकाळी ७.३० वाजताच्या सुमारास घरामध्ये एकटीच असताना मला बिल्डींगमधील अश्विनी आणि दुडम काका यांनी फोन केला होता. त्यांनी फोन करून तुमचा मोठा मुलगा आयुष याला कोणीतरी मारहाण केली आहे, असं सांगितलं. त्यानंतर मी लगेचच बिल्डींगच्या खाली येऊन पाहिले तर पार्किंगमध्ये लोकांची गर्दी होती. माझा मोठा मुलगा आयुष हा रक्तबंबाळ अवस्थेत पार्किंगमध्ये जमीनीवर पडलेला होता. माझा लहान मुलगा अर्णव रडत होता, अशी माहिती आयुषची आई कल्याणी कोमकर यांनी पोलिसांनी दिली आहे. आरोपींना आयुषच्या आईने ओळखलं आयुषला मोठ्या प्रमाणात रक्तस्त्राव होत असल्याने बिल्डींगमधील पार्कींगमधील असलेल्या क्लिनिकच्या डॉक्टरांना बोलावण्यात आलं. डॅाक्टरांनी तपासणी करून त्याला ससून रुग्णालयात नेण्यास सांगितलं. ॲम्बलुन्स व पोलीस आले आणि आयुषला घेऊन गेले. त्यानंतर पोलीस स्टेशनला गेल्यानंतर बिल्डींगमधील पार्कींगचे सीसीटीव्ही फुटेज पोलीसांनी दाखवले. गोळीबार करणारे हे आंदेकर टोळीसाठी काम करत असल्याचे त्यांनी ओळखले आणि त्यानंतर तक्रार दिली असल्याचं कल्याणी कोमकर यांनी सांगितलं आहे. याबाबत एका मराठी वाहिनीने वृत्त दिलं आहे. दोन महिलांचा समावेश माजी नगरसेवक वनराज आंदेकर खुनातील आरोपी गणेश कोमकरचा मुलगा आयुष उर्फ गोविंद गणेश कोमकर (१९, रा. नाना पेठ) याच्या खूनप्रकरणी आंदेकर टोळीवर गुन्हा दाखल झाला आहे. टोळीचा म्होरक्या सूर्यकांत उर्फ बंडू राणोजी आंदेकरसह ११ जणांविरुद्ध समर्थ पोलीस ठाण्यात खुनाचा गुन्हा दाखल झाला असून, त्यात दोन महिलांचा समावेश आहे. दरम्यान, पोलिसांनी यश पाटील, अमित पाटोळे यांना अटक केली आहे. इतर फरार आरोपींचा शोध सुरू आहे. “आयुष कोमकर खून प्रकरणी, दोन संशयितांना अटक केली आहे. उर्वरित आरोपींचा शोध सुरू असून या प्रकरणाचा सखोल तपास सुरू आहे.” उमेश गित्ते, (वरिष्ठ पोलिस निरीक्षक, समर्थ पोलीस ठाणे) हेही वाचा : Box Office: बॉक्स ऑफिसवर लोका’ची दमदार कामगिरी: ‘मद्रासी’ आणि ‘बागी 4’ला झटका, शाहरुख-सलमानलाही मागे टाकलं कल्याणी प्रियदर्शने
