PA Attacked : शिवसेना शिंदे गटाचे आमदार दीपक केसरकर यांचे स्वीय सहाय्यक सूरज परब यांना गोव्यात मारहाण झाल्याची धक्कादायक घटना समोर आली आहे. दारूच्या नशेत असलेल्या काही स्थानिक तरुणांनी त्यांच्यासह कुटुंबीयांनाही शिवीगाळ करत मारहाण केल्याचा आरोप करण्यात आला आहे. या प्रकारामुळे परिसरात मोठी खळबळ उडाली आहे. (PA Attacked)

मिळालेल्या माहितीनुसार, गोव्यातील मांद्रे येथे रविवारी रात्री ही घटना घडली. सावंतवाडी तालुक्यातील तळवडे येथील रहिवासी असलेल्या सूरज परब आणि त्यांच्या कुटुंबीयांवर काही मद्यधुंद तरुणांनी हल्ला केल्याचा आरोप आहे. (PA Attacked)

या घटनेनंतर गोवा पोलिसांनी तक्रार दाखल करून घेतली नसल्याचा गंभीर आरोपही सूरज परब यांनी केला आहे. “ते स्थानिक आहेत, त्यांच्या भानगडीत पडू नका,” असे सांगत पोलिसांनी उलट समज देण्याचा प्रयत्न केल्याचा दावा त्यांनी केला. तसेच या प्रकरणाकडे गोव्याचे मुख्यमंत्री प्रमोद सावंत यांचे लक्ष वेधण्यात आले होते, मात्र त्यानंतरही कोणतीही ठोस कारवाई झाली नसल्याचे त्यांनी सांगितले. (PA Attacked)

या घटनेच्या निषेधार्थ सोमवारी गोवा-सिंधुदुर्ग सीमेवर शिंदेसेनेच्या युवा सैनिकांनी रास्तारोको आंदोलन केले. आंदोलकांनी मुंबई-गोवा महामार्गावरील वाहतूक सुमारे अर्धा तास रोखून धरली. त्यामुळे दोन्ही बाजूंना वाहनांच्या लांबच लांब रांगा लागल्या होत्या. (PA Attacked)

दरम्यान, आंदोलनावेळी काहीकाळ तणावाचे वातावरण निर्माण झाले होते. पोलिसांनी घटनास्थळी धाव घेत कार्यकर्त्यांची समजूत काढली. अखेर पोलिसांच्या हस्तक्षेपानंतर वाहतूक पूर्ववत करण्यात आली आणि प्रवाशांना दिलासा मिळाला. (PA Attacked)