Maharashtra Politics : राज्यातील विधान परिषद निवडणुकीच्या पार्श्वभूमीवर महायुतीमध्ये जळगावच्या जागेवरून संघर्ष वाढताना दिसत आहे. जळगाव विधान परिषद जागेवर भाजप आणि शिवसेना या दोन्ही पक्षांनी दावा ठोकल्याने राजकीय घडामोडींना वेग आला आहे. (Maharashtra Politics)

या पार्श्वभूमीवर सोमवारी मंत्री गुलाबराव पाटील यांच्या उपस्थितीत जळगावातील एका हॉटेलमध्ये शिवसेना शिंदे गटाच्या आमदारांची महत्त्वपूर्ण आणि गोपनीय बैठक पार पडली. या बैठकीत जळगाव विधान परिषद निवडणूक स्वबळावर लढवण्याबाबत आमदारांमध्ये एकमत झाल्याची माहिती समोर आली आहे. (Maharashtra Politics)

जळगावची जागा कोणत्याही परिस्थितीत शिवसेनेलाच मिळाली पाहिजे, अशी ठाम भूमिका आमदारांनी घेतली. तसेच महायुतीमध्ये ही जागा शिवसेनेच्या वाट्याला आली नाही, तर भाजपविरोधात मैत्रीपूर्ण लढत देण्याचाही निर्णय बैठकीत घेण्यात आला. (Maharashtra Politics)

जिल्ह्यात भाजपइतकीच शिवसेनेचीही ताकद असल्याने कोणतीही तडजोड स्वीकारली जाणार नाही, अशी भावना आमदारांनी व्यक्त केली. बैठकीनंतर शिवसेना आमदारांचे शिष्टमंडळ मुंबईत उपमुख्यमंत्री एकनाथ शिंदे यांची भेट घेणार असून जळगावची जागा शिवसेनेला देण्याबाबत आग्रही भूमिका मांडली जाणार आहे. (Maharashtra Politics)

शिवसेनेकडून ‘या’ उमेदवाराची घोषणा

दरम्यान, आमदार किशोर पाटील यांनी “उद्या एकनाथ शिंदे यांच्या भेटीनंतर जळगावची जागा आणि उमेदवार निश्चित होईल. परवा शिवसैनिक उमेदवारी अर्ज भरताना दिसेल,” असा विश्वास व्यक्त केला. तर मंत्री गुलाबराव पाटील यांनी “जळगाव विधान परिषद निवडणूक शिवसैनिकच लढवणार आणि प्रतापराव पाटील हेच उमेदवार असतील,” असा दावा केला आहे. (Maharashtra Politics)

आता महायुतीमध्ये जळगावची जागा नेमकी कोणाच्या वाट्याला जाणार आणि अंतिम उमेदवार कोण असेल, याकडे राज्याच्या राजकीय वर्तुळाचे लक्ष लागले आहे. (Maharashtra Politics)