Car Accident : नवी मुंबईतील तळोजा सेक्टर १० परिसरात मंगळवारी सकाळी भीषण अपघात झाला. भरधाव वेगाने जाणाऱ्या कारवरील चालकाचे नियंत्रण सुटल्याने कारने रस्त्यावरून जाणाऱ्या नागरिकांना जोरदार धडक दिली. या भीषण अपघातात दोन जणांचा जागीच मृत्यू झाला असून आठ जण गंभीर जखमी झाले आहेत. (Car Accident)

प्राथमिक माहितीनुसार, भरधाव कारने सुमारे ८ ते १० जणांना चिरडले. धडक इतकी जोरदार होती की अनेकजण गंभीर जखमी झाले. अपघातानंतर परिसरात एकच गोंधळ उडाला. (Car Accident)

घटनास्थळी उपस्थित नागरिकांनी तातडीने बचावकार्य सुरू करत जखमींना जवळील खासगी रुग्णालयात उपचारासाठी दाखल केले. काही जखमींची प्रकृती चिंताजनक असल्याची माहिती समोर आली आहे. (Car Accident)

दरम्यान, अपघात घडल्यानंतर कारचालकाने वाहन घटनास्थळीच सोडून पळ काढला. घटनेची माहिती मिळताच पोलिसांनी घटनास्थळी धाव घेत पंचनामा सुरू केला असून फरार चालकाचा शोध सुरू आहे. (Car Accident)

या भीषण अपघातामुळे तळोजा परिसरात मोठी खळबळ उडाली असून, अपघाताचे नेमके कारण आणि चालकाची ओळख पटवण्यासाठी पोलिसांकडून पुढील तपास सुरू आहे. (Car Accident)

Accident News : भीषण अपघात..! भाजप नेत्याच्या कारची स्कुटीला जोरदार धडक; दोघांचा जागीच मृत्यू