Baramati News : वस्तू व सेवाकर विभागाच्या पुणे विभागांतर्गत ग्रीव्हन्स रिड्रेसल कमिटी वर (Grievance Redressal Committee Pune Zone) सदस्य म्हणून बारामती इंडस्ट्रियल डेव्हलपमेंट असोसिएशनचे अध्यक्ष धनंजय जामदार, बारामती व्यापारी महासंघाचे अध्यक्ष सुशीलकुमार सोमाणी व बारामती मर्चंट असोसिएशनचे सचिव निलेश दोशी यांची पुढील दोन वर्षासाठी फेर निवड करण्यात आलेली असलेचे केंद्रीय जीएसटीचे उप आयुक्त धिरज मोरे यांनी पत्राद्वारे कळविले आहे. (Baramati News)

केंद्रीय वस्तू व सेवाकर पुणे मुख्य आयुक्त निरज कंसल (आय आर एस) व राज्य वस्तू व सेवाकर विभागाचे आयुक्त आशिष शर्मा (आय ए एस) यांच्या अध्यक्षतेखाली सदर समिती गठीत करण्यात आली. (Baramati News)

बारामतीतील धनंजय जामदार, सुशीलकुमार सोमाणी व निलेश दोशी यांच्यासह कोल्हापूर, सोलापूर येथील उद्योग व व्यावसाईक प्रतिनिधी, पुणे विभागातील चार्टर्ड अकाउंटंट, कॉस्ट अकाउंटंट, टॅक्स प्रॅक्टिशनर्स, कंपनी सेक्रेटरी, कस्टम हाऊस, खाद्यतेल , व्यापारी महासंघ, टाटा मोटर्स आदींचे प्रतिनिधी व जीएसटी विभागाचे अनेक वरिष्ठ अधिकारी यांचा समितीत समावेश करण्यात आलेला आहे. केंद्रीय जीएसटी अंतर्गत पुणे-१, पुणे-२ व कोल्हापूर आयुक्तालयाचे कार्यक्षेत्र या समितीच्या कार्यकक्षेत्र असणार आहे. (Baramati News)

जीएसटी करदात्यांचे सर्व प्रश्नांचा अभ्यास करून ते सोडवणे, प्रक्रियेतील अडथळे व सॉफ्टवेअर संबंधी विशिष्ट अथवा सार्वजनिक समस्यांचे निवारण, जीएसटी करदात्यांना जाचक ठरणारे कायदे, नियमअटी, परिपत्रके बाबत जीएसटी कौन्सिल सचिवालय व सेंट्रल बोर्ड ऑफ इंडायरेक्ट टॅक्सेसच्या धोरण विभागाच्या निदर्शनास आणून त्यात सुधारणा करण्यासाठी शिफारस करणे आदी महत्त्वाचे कामकाज ही विभागीय समिती करत असते. (Baramati News)

२०१७ साली जीएसटी लागू केल्यापासून आजतागायत ही करप्रणाली व तिच्या अंमलबजावणी बाबत अनेक समस्या व संभ्रम असून करदात्यांना योग्य मार्गदर्शन करून त्यात सुलभता आणणे आवश्यक असलेने बारामती परिसरातील जीएसटी करदात्यांनी आपले प्रश्न व सूचना अवश्य कळवावेत, ते सोडवण्यासाठी या समितीच्या माध्यमातून आम्ही सर्वोतोपरी प्रयत्न करू असे आवाहन धनंजय जामदार, सुशीलकुमार सोमाणी व निलेश दोशी यांनी केले आहे. (Baramati News)

Baramati News : विद्यार्थ्यांनी शिक्षण घेत असतानाच उद्योजकतेचा निर्णय घ्यावा : उद्योजक फुलचंद जैन

Baramati News: बारामतीत काँग्रेस कार्यालयासमोर आंदोलन! ‘वंदे मातरम्’च्या सन्मानासाठी जोरदार घोषणाबाजी