Ambegaon Panchayat Samiti – आंबेगाव तालुका पंचायत समितीच्या सभापतीपदी राष्ट्रवादी काँग्रेस पक्षाचे (अजित पवार) कैलास काळे, तर उपसभापतीपदी ज्योती पारधी यांची सोमवारी (दि.९) बिनविरोध निवड करण्यात आली. घोडेगाव येथील पंचायत समिती कार्यालयात निवडणूक प्रक्रिया पार पडली. निवडणूक निर्णय अधिकारी गोविंद शिंदे यांच्या मार्गदर्शनाखाली आणि सहाय्यक निवडणूक अधिकारी तथा गटविकास अधिकारी प्रमिला वाळुंज यांच्या उपस्थितीत नवनियुक्त पदाधिकाऱ्यांची घोषणा करण्यात आली. निवडीनंतर माजी गृहमंत्री दिलीप वळसे-पाटील आणि पक्ष निरीक्षक संजय काळे यांनी नवनिर्वाचित सभापती व उपसभापतींचा सत्कार केला. भीमाशंकर साखर कारखान्याचे अध्यक्ष बाळासाहेब बेंडे, जिल्हा परिषद माजी उपाध्यक्ष विवेक वळसे पाटील, राष्ट्रवादीचे तालुकाध्यक्ष विष्णू हिंगे, सुभाषराव मोरमारे यांच्यासह पक्षाचे पदाधिकारी उपस्थित होते. यावेळी पंचायत समितीचे सदस्य संजय गवारी, अंकिता वाळुंज, संजय पवळे, उषा कानडे, प्रियांका वाघ, श्वेता ढोबळे, निलेश टेमकर, शिवाजी निघोट उपस्थित होते.
