Ajit Pawar : राष्ट्रवादी काँग्रेसचे अध्यक्ष आणि राज्याचे ज्येष्ठ नेते उपमुख्यमंत्री अजित पवार यांचे विमान अपघातात आकस्मिक निधन झाले आहे. या धक्कादायक बातमीने संपूर्ण देशावर शोककळा पसरली असून राजकीय वर्तुळात मोठी पोकळी निर्माण झाली आहे.

अजित पवार (१३५९–२०२६) हे महाराष्ट्रातील सर्वात प्रभावशाली राजकारण्यांपैकी एक होते, त्यांनी उपमुख्यमंत्री म्हणून अनेक वेळा काम पाहिले. तसेच त्यांनी वित्त आणि नियोजन यांसारखी महत्त्वाची खाती सांभाळली.

ते त्यांच्या मजबूत संघटनात्मक कौशल्यांसाठी, निर्णायक नेतृत्वासाठी आणि राज्यात राष्ट्रवादी काँग्रेस पक्षाला आकार देण्यात बजावलेल्या भूमिकेसाठी ओळखले जात होते. दुर्दैवाने २८ जानेवारी २०२६ ला बारामती येथे झालेल्या विमान अपघातात त्यांच्या कारकिर्दीचा अकाली अंत झाला.

महाराष्ट्राच्या राजकारणातील एक कणखर आणि कार्यक्षम नेतृत्व म्हणून अजित आशाताई अनंतराव पवार यांची ओळख आहे. अजित पवारांच्या निधनाने संपूर्ण देशावर दुःखाचा डोंगर कोसळा आहे.

आता या अपघाताबाबत अजित पवारांच्या फार्म हाऊसवरून मन सुन्न करणारा प्रसंग समोर आला आहे. ज्यावेळी अपघात घडला त्याच्याआधी काही वेळापूर्वीपासून अजित पवारांच्या आई आशाताई पवार टीव्ही पाहत बसल्या होत्या.

ही बातमी वाचा : Ajit Pawar : मोठं नुकसान झालं, यात कुठेही राजकारण नाही..! अजित दादांच्या निधनावर शरद पवारांची पहिली प्रतिक्रिया, VIDEO पाहा

 

याच वेळी अचानक अजित पवारांच्या अपघाताची बातमी टीव्हीवर झळकली. यानंतर पुढे काय घडलं, याबाबतचा सविस्तर प्रसंग फार्म हाऊसवरील मॅनेजर संपत धायगुडे यांनी माध्यमांशी बोलतांना सांगितला आहे.

संपत धायगुडे यांनी सांगितलं की, “सकाळी सात वाजता नेहमीप्रमाणे अजितदादांच्या आई फार्म हाऊसवरती टीव्ही पाहत होत्या. त्यांना नाश्ता देण्याची तयारी करत होतो. त्यानंतर सकाळी साडेआठ वाजता अजितदादांच्या विमान अपघाताची बातमी टीव्हीवर येत होती.

आईंनी लगेच आम्हाला विचारले ‘अरे दादांचा अपघात झालाय का?’ पण आईलाही वाटले त्यांना खरचटले असेल काही झाले नसेल. बारामतीत हॉस्पिटलमध्ये दादांना आणल्याची टीव्हीवरून बातमी आली. त्यावेळी आम्ही लगेच आईला पुढच्या बातम्या कळू नयेत, यासाठी बंगल्यावरील टीव्हीची केबल तोडली आणि टीव्ही बंद पडल्याचे सांगितले.

त्यांचा मोबाईलही फ्लाईट मोडवर टाकून दिला. काही झाले नसल्याचे आम्ही त्यांना सांगत होतो. पण दादांना भेटून येऊ चला असे म्हणून त्या फार्महाऊसच्या बाहेर चालतच निघाल्या होत्या.

ड्रायव्हरने गाडी बंद पडल्याचेही सांगितले. पण त्या ऐकल्या नाहीत. शेवटी नाईलाजाने त्यांना आम्ही बारामती येथील बंगल्यावर घेऊन गेलो, अशी माहिती संपत धायगुडे यांनी दिली आहे.

हे देखील वाचा…

Ajit Pawar : “आदरयुक्त भीती अन् प्रचंड आपुलकी…”, रुपाली चाकणकरांनी व्यक्त केला शोक

Ajit Pawar : “अजित पवारांनी सुरू केलेल्या कार्याला पुढे चालवून…”; गौतम अदाणींनी व्यक्त केल्या भावना