Nevasa News : अहमदनगर जिल्ह्यातील नेवासे तालुक्यातील पिचडगाव येथे अत्यंत दुर्दैवी घटना घडली आहे. चुलत भावाच्या लग्नाच्या आनंदात असलेल्या कुटुंबावर अचानक दुःखाचा डोंगर कोसळला. गोरख मोहन शेजूळ (वय २४) या तरुणाचा शेततळ्यात बुडून मृत्यू झाला. या घटनेमुळे लग्नघरातील आनंदाचे वातावरण क्षणार्धात शोककळेत बदलले. (Nevasa News)

मिळालेल्या माहितीनुसार, मंगळवारी (४ ऑगस्ट) पहाटेच्या सुमारास गोरख शेजूळ यांचा त्यांच्या चुलत्याच्या शेतातील शेततळ्यात पडून मृत्यू झाला. याच दिवशी त्यांच्या चुलत भावाचा विवाह असल्याने शेजूळ कुटुंबात लग्नाची तयारी आणि उत्साह सुरू होता. मात्र, पहाटे घडलेल्या या दुर्घटनेने संपूर्ण कुटुंब हादरून गेले. (Nevasa News)

घटनेची माहिती मिळताच रुग्णवाहिका चालक विकास निपुंगे यांनी तातडीने घटनास्थळी धाव घेत गोरख यांना उपचारासाठी नेवासे फाटा येथील ग्रामीण रुग्णालयात दाखल केले. मात्र, वैद्यकीय अधिकाऱ्यांनी तपासणीनंतर त्यांना मृत घोषित केले. (Nevasa News)

शवविच्छेदनानंतर गोरख शेजूळ यांचा मृतदेह नातेवाईकांच्या ताब्यात देण्यात आला. त्यानंतर पिचडगाव येथे शोकाकुल वातावरणात त्यांच्यावर अंत्यसंस्कार करण्यात आले. या प्रकरणी नेवासे पोलीस ठाण्यात अकस्मात मृत्यूची नोंद करण्यात आली असून, पुढील तपास पोलीस हवालदार राठोड करत आहेत. (Nevasa News)

लग्नाच्या दिवशीच घडलेल्या या दुर्दैवी घटनेमुळे पिचडगाव परिसरात हळहळ व्यक्त केली जात असून, शेजूळ कुटुंबावर ओढवलेल्या या दुःखद प्रसंगाबद्दल ग्रामस्थांनी शोक व्यक्त केला आहे. (Nevasa News)

Nevasa News : नेवाश्यात ‘एक कॉल, चहा ऑन द स्पॉट’; अर्जुन पवार यांच्या झटपट सेवेला नागरिकांची पसंती

Nevasa News : देवगड दर्शनासाठी निघालेल्या अंगणवाडी सेविकेचे अपहरण; मारहाण करून 96 हजारांचा ऐवज लुटला