Maharashtra Weather : देशातील काही भागांतून मान्सूनच्या परतीचा प्रवास सुरू झाला असला, तरी महाराष्ट्रातील अनेक भागांत पावसाचा जोर अद्याप कायम आहे. भारतीय हवामान विभागाच्या अंदाजानुसार, २१ आणि २२ सप्टेंबर रोजी राज्यातील विविध जिल्ह्यांमध्ये विजांच्या कडकडाटासह मध्यम ते मुसळधार पाऊस पडण्याची शक्यता आहे. या पार्श्वभूमीवर हवामान विभागाने राज्यातील २३ जिल्ह्यांना यलो अलर्ट दिला आहे. (Maharashtra Weather)

२१ सप्टेंबरला ‘या’ जिल्ह्यांना यलो अलर्ट

हवामान विभागाच्या अंदाजानुसार, २१ सप्टेंबर रोजी विदर्भ, मध्य महाराष्ट्र, उत्तर महाराष्ट्र आणि दक्षिण महाराष्ट्रातील काही भागांत मेघगर्जनेसह पावसाची शक्यता आहे. गडचिरोली, गोंदिया, चंद्रपूर, भंडारा, नागपूर, वर्धा, यवतमाळ, अमरावती, हिंगोली, परभणी, नांदेड, नाशिकचा घाट परिसर, अहिल्यानगर, पुण्याचा घाट परिसर, सातारा, सांगली, कोल्हापूर, रत्नागिरी, सिंधुदुर्ग, सोलापूर, धाराशिव आणि लातूर या भागांसाठी यलो अलर्ट देण्यात आला आहे. (Maharashtra Weather)

या जिल्ह्यांमध्ये काही ठिकाणी विजांच्या कडकडाटासह मध्यम ते मुसळधार पाऊस पडण्याची शक्यता आहे. त्यामुळे नागरिकांनी हवामानाची स्थिती लक्षात घेऊन प्रवासाचे नियोजन करण्याचे आवाहन करण्यात येत आहे. (Maharashtra Weather)

२२ सप्टेंबरलाही पावसाचा जोर कायम?

२२ सप्टेंबर रोजी विदर्भातील बहुतांश जिल्ह्यांसह पुणे, सातारा, सांगली, कोल्हापूर, सोलापूर, नांदेड, परभणी, बीड, लातूर आणि धाराशिव या भागांत पावसाचा जोर कायम राहण्याची शक्यता आहे. कोकणातील काही भागांतही पावसाच्या सरी पडू शकतात. (Maharashtra Weather)

या काळात काही ठिकाणी मेघगर्जनेसह पाऊस आणि विजांचा कडकडाट होण्याची शक्यता असल्याने नागरिकांनी खबरदारी घेणे आवश्यक आहे.

२३ सप्टेंबरपासून पावसाचा जोर कमी होणार?

दरम्यान, २३ सप्टेंबरपासून महाराष्ट्रातील पावसाचा जोर काही प्रमाणात कमी होण्याची शक्यता हवामान विभागाने वर्तवली आहे. दक्षिण महाराष्ट्रातील काही भागांत मात्र पावसाच्या सरी सुरू राहू शकतात. राज्यातील इतर भागांत ढगाळ वातावरण किंवा तुलनेने कोरडे हवामान राहण्याचा अंदाज आहे. (Maharashtra Weather)

देशातील इतर भागांतही पावसाची शक्यता

मान्सूनने २१ सप्टेंबरपासून राजस्थान, हरियाणा आणि पंजाबच्या काही भागांतून माघार घेण्यास सुरुवात केली आहे. मात्र, पूर्व आणि मध्य भारतातील काही भागांत पावसाची स्थिती कायम राहण्याची शक्यता आहे. (Maharashtra Weather)

दक्षिण ओडिशा आणि उत्तर किनारपट्टीवरील आंध्र प्रदेशात २३ आणि २४ सप्टेंबर रोजी मुसळधार पावसाची शक्यता आहे. तसेच दक्षिण छत्तीसगडमध्ये २४ सप्टेंबर रोजी काही ठिकाणी जोरदार पाऊस होण्याचा अंदाज आहे. (Maharashtra Weather)

त्यामुळे महाराष्ट्रात पुढील दोन दिवस पावसाची शक्यता लक्षात घेता, विशेषतः घाट परिसर आणि यलो अलर्ट असलेल्या जिल्ह्यांतील नागरिकांनी प्रवास करताना सतर्क राहणे महत्त्वाचे आहे. (Maharashtra Weather)

Maharashtra Rain Update: कोकण, घाटमाथ्यासह विदर्भ-मराठवाड्यात पावसाचा अंदाज