Yashasvi Jaiswal Warning from Basit Ali for IPL 2025 : राजस्थान रॉयल्सचा सलामीवीर यशस्वी जैस्वाल आयपीएल २०२५ मध्ये खराब फॉर्मशी झुंजत आहे. गुजरात टायटन्सविरुद्धच्या शेवटच्या सामन्यातही जैस्वाल मोठी खेळी करू शकला नाही आणि फक्त ६ धावा करून बाद झाला. दरम्यान, त्याच्या खराब फॉर्मबद्दल, माजी पाकिस्तानी क्रिकेट दिग्गज बासित अली यांनी एक मोठा इशारा दिला आहे आणि पृथ्वी शॉच्या मार्गावर चालणे टाळण्यास सांगितले आहे.

यशस्वी जैस्वालला बासित अलीने दिला इशारा –

यशस्वी जैस्वाल आयपीएल २०२५ मध्ये खराब फॉर्मशी झुंजत आहे. आतापर्यंत खेळलेल्या पाच सामन्यांमध्ये जैस्वालने १२७.३८ च्या सरासरीने फक्त १०७ धावा केल्या आहेत. अशा परिस्थितीत, त्याच्या खराब फॉर्मबद्दल बोलताना, माजी पाकिस्तानी क्रिकेटपटू बासित अली यांनी त्याच्या अधिकृत यूट्यूब चॅनलवर जैस्वालला इशारा देणारे एक मोठे विधान केले आहे. ते म्हणाले, “असे दिसतेय की यशस्वी जैस्वाल कंटाळला आहे. तो आता क्रिकेटकडे लक्ष देत नाहीये. हा माझा त्याला खुला इशारा आहे. क्रिकेट तुम्हाला खूप रडवू शकते. पृथ्वीकडे पहा आणि क्रिकेटवर प्रेम करायला शिकायला हवे आणि खेळण्याची आवड निर्माण करायला हवी.”

यशस्वी जैस्वालची आयपीएल २०२५ मधील कामगिरी –

यशस्वी जैस्वालने आतापर्यंत खेळलेल्या पाच सामन्यांमध्ये १, २९, ४, ६७ आणि ६ धावा केल्या आहेत. त्याच्या बॅटमधून फक्त एकच अर्धशतक झळकले आहे. दुसरीकडे, पंजाब किंग्जचे सलामीवीर प्रियांश आर्य आणि साई सुदर्शन हे शानदार फलंदाजी करताना आणि चमकदार कामगिरी करताना दिसत आहेत.

हेही वाचा – RCB vs DC : विराटचा नवा विक्रम! आयपीएलमध्ये ‘हा’ मोठा पराक्रम करणार ठरला पहिलाच फलंदाज

हे लक्षात घेण्यासारखे आहे की राजस्थानने या हंगामात आतापर्यंत पाच सामने खेळले आहेत, त्यापैकी तीनमध्ये संघाला पराभवाचा सामना करावा लागला आहे. अशा परिस्थितीत, २ विजयांनंतर ४ गुणांसह, संघ पॉइंट टेबलमध्ये ७ व्या स्थानावर आहे. त्यांच्या खाली फक्त मुंबई इंडियन्स, चेन्नई सुपर किंग्ज आणि सनरायझर्स हैदराबाद आहेत.