WTC Final 2025 Kagiso Rabada Breaks Allan Donald’s Record : डब्ल्यूटीसी २०२५ च्या अंतिम सामन्यात दक्षिण आफ्रिकेचा वेगवान गोलंदाज कागिसो रबाडाने पाच विकेट्स घेत अॅलन डोनाल्डचा विक्रम मोडला. रबाडाने आता दक्षिण आफ्रिकेसाठी कसोटी क्रिकेटमध्ये सर्वाधिक विकेट्स घेणारा चौथा गोलंदाज बनला आहे. रबाडाच्या नावावर आता दक्षिण आफ्रिकेसाठी ३३२ विकेट्स आहेत. तर डोनाल्डने दक्षिण आफ्रिकेसाठी कसोटीत ३३० विकेट्स घेतल्या होत्या.

लॉर्ड्सवर खेळल्या जाणाऱ्या वर्ल्ड टेस्ट चॅम्पियनशिपच्या अंतिम सामन्यात रबाडाने १५.४ षटकांत ५१ धावा देत पाच विकेट्स घेतल्या. रबाडाच्या या धारदार गोलंदाजीमुळे ऑस्ट्रेलियाचा संघ २१२ धावांवर ऑलआउट झाला. यासह रबाड लॉर्ड्सवर सर्वाधिक विकेट्स घेणारा दक्षिण आफ्रिकेचा गोलंदाज बनला. त्याने मोर्ने मॉर्केलला मागे टाकत ही कामगिरी केली आहे. यासह रबाडा दक्षिण आफ्रिकेसाठी कसोटी क्रिकेटमध्ये सर्वाधिक विकेट्स घेणारा चौथा गोलंदाज ठरला आहे.

दक्षिण आफ्रिकेसाठी सर्वाधिक कसोटीत सर्वाधिक विकेट्स घेणारे गोलंदाज:

ऑस्ट्रेलियाविरुद्ध पाच विकेट घेऊन कागिसो रबाडा हा जागतिक कसोटी अजिंक्यपद स्पर्धेच्या अंतिम सामन्यात असा पराक्रम करणारा जगातील दुसरा खेळाडू ठरला आहे. त्याच्या आधी न्यूझीलंडच्या काइल जेमिसनने ही कामगिरी केली होती. १८ ते २३ जून दरम्यान साउथहॅम्प्टनमधील द रोझ बाउल येथे भारत आणि न्यूझीलंड यांच्यात खेळल्या गेलेल्या २०२१ च्या डब्ल्यूटीसीच्या अंतिम सामन्यात जेमिसनने पहिल्या डावात २२ षटकांत ३१ धावा देत ५ विकेट्स घेतल्या.