MPSC New Chairman : महाराष्ट्र लोकसेवा आयोगाच्या (MPSC) परीक्षांमधील कथित पेपरफुटी आणि अनियमिततेच्या प्रकरणामुळे राज्यात मोठी घडामोड घडली आहे. पुण्यात एमपीएससीच्या विद्यार्थ्यांनी केलेल्या आंदोलनानंतर आयोगाचे अध्यक्ष विवेक भीमनवार चौकशी पूर्ण होईपर्यंत रजेवर गेले आहेत. (MPSC New Chairman)

आता त्यांच्या अनुपस्थितीत अध्यक्षपदाची जबाबदारी कोण सांभाळणार, याकडे सर्वांचे लक्ष लागले होते. या पार्श्वभूमीवर आयोगाचे सदस्य सतीश वाघोळे यांचे नाव प्रभारी अध्यक्षपदासाठी प्रस्तावित करण्यात आले आहे. (MPSC New Chairman)

सतीश वाघोळे कोण आहेत?

सतीश बबन वाघोळे हे महाराष्ट्र लोकसेवा आयोगाचे सदस्य आहेत. महाराष्ट्र शासनाच्या सामान्य प्रशासन विभागाच्या अधिसूचनेनुसार, सप्टेंबर २०२६ मध्ये त्यांची आयोगाच्या सदस्यपदी नियुक्ती करण्यात आली होती. त्यांनी ७ सप्टेंबर रोजी पद आणि गोपनीयतेची शपथ घेतली होती. (MPSC New Chairman)

विवेक भीमनवार चौकशी पूर्ण होईपर्यंत रजेवर असल्याने आयोगाचे कामकाज सुरळीत सुरू राहावे, यासाठी सतीश वाघोळे यांचे नाव प्रभारी अध्यक्षपदासाठी राज्य सरकारने प्रस्तावित केल्याचे वृत्त आहे. (MPSC New Chairman)

पुण्यातील विद्यार्थ्यांच्या आंदोलनानंतर मोठी घडामोड

एमपीएससीच्या काही परीक्षांमध्ये कथित पेपरफुटी आणि अनियमितता झाल्याच्या आरोपांवरून पुण्यात विद्यार्थ्यांनी आंदोलन केले होते. अध्यक्ष विवेक भीमनवार यांच्या राजीनाम्याची मागणीही करण्यात आली होती. सुमारे ११ दिवस चाललेल्या आंदोलनानंतर सरकारने चौकशी समिती स्थापन करण्याचा निर्णय घेतला. त्यानंतर भीमनवार यांनी चौकशी पूर्ण होईपर्यंत पदापासून दूर राहण्याचा निर्णय जाहीर केला. (MPSC New Chairman)

पेपरफुटी प्रकरणाची चौकशी सुरू

एमपीएससीच्या परीक्षांमधील कथित पेपरफुटी आणि अन्य अनियमिततांची चौकशी करण्यासाठी राज्य सरकारने पाच सदस्यीय समिती स्थापन केली आहे. या समितीच्या अध्यक्षपदी माजी न्यायमूर्ती दिलीप भोसले यांची नियुक्ती करण्यात आली असून, वरिष्ठ सनदी अधिकारी तुकाराम मुंढे यांच्याकडे समितीच्या सचिवपदाची जबाबदारी देण्यात आली आहे. आयोगाच्या सध्याच्या तसेच मागील अध्यक्षांच्या आणि सदस्यांच्या कार्यकाळाचाही चौकशीत समावेश असणार आहे. (MPSC New Chairman)

Saurabh Katiyar : सौरभ कटियारांकडे MPSC सचिवपदाचा अतिरिक्त कार्यभार; पुण्यातील आंदोलनानंतर निर्णय