Yuzvendra Chahal Recalls Terrifying 2013 IPL  Balcony Hang Australian Cricketer : भारताचा अनुभवी लेग स्पिनर युझवेंद्र चहल याने आपल्या आयपीएल कारकिर्दीच्या सुरुवातीच्या दिवसांतील अत्यंत धक्कादायक प्रसंगाचा खुलासा केला आहे. २०१३ च्या आयपीएलदरम्यान बंगळुरूमधील एका हॉटेलमध्ये पार्टी सुरू असताना दारूच्या नशेत असलेल्या एका ऑस्ट्रेलियन क्रिकेटपटूने त्याला थेट १५ व्या मजल्याच्या बाल्कनीतून खाली लटकवले होते. माजी क्रिकेटपटू आकाश चोप्राच्या पॉडकास्टमध्ये बोलताना चहलने हा थरार सांगितला. त्या क्षणी घाबरून जीवाच्या आकांताने मी त्या खेळाडूची मान घट्ट धरून ठेवली होती, असे चहलने नमूद केले.

मुंबई इंडियन्सकडून खेळत असताना बंगळुरूत घडली घटना –

चहलने सांगितले की, “२०१३ मध्ये तो मुंबई इंडियन्स संघाचा भाग होता. बंगळुरूमध्ये आरसीबीने आयोजित केलेल्या एका पार्टीमध्ये मी गेलो होतो. तिथे ऑस्ट्रेलियाचा एक खेळाडू पूर्णपणे मद्यधुंद अवस्थेत होता. तो खेळाडू शारीरिकदृष्ट्या अत्यंत धिप्पाड होता. त्याने आधी मला जवळ बोलावले आणि अचानक उचलून धरले. सुरुवातीला मला तो मस्करी करतोय वाटला, पण काही क्षणांतच त्याने मला थेट बाल्कनीच्या कठड्यावरून खाली लटकवले.”

खोलीतील इतर खेळाडू धावले; थोडक्यात वाचले प्राण –

🔴 A DRUNK AUSTRALIAN CRICKETER PUT MY LIFE AT RISK 🤯

– Yuzi Chahal revealed that in 2013 Andrew Symonds & James Franklin tied his hands & legs, taped his mouth and left him in a room overnight after a party.

– During his Mumbai Indians days in 2013, a heavily drunk teammate allegedly dangled him from a hotel’s 15th-floor balcony in Bengaluru.

– Chahal said he held on to the player and nearly fainted after others rescued him.

— Sam (@cricsam02) October 16, 2026

हा प्रकार पाहताच खोलीत उपस्थित असलेल्या सर्वांचेच धाबे दणाणले. चहलने पुढे सांगितले की, “१५ व्या किंवा १६ व्या मजल्यावरून खाली लटकत असताना मी दोन्ही हातांनी त्या ऑस्ट्रेलियन खेळाडूची मान घट्ट पकडून ठेवली होती. इतर खेळाडूंनी क्षणाचाही विलंब न करता तिथे धाव घेतली आणि मला तातडीने वर ओढून सुरक्षित बाहेर काढले. त्यावेळी तो मद्यधुंद खेळाडू हसत होता, पण मला मात्र त्या दिवशी दुसरा जन्मच मिळाला होता.”

सायमंड्स आणि जेम्स फ्रँकलिन नव्हते; जुन्या चर्चांना पूर्णविराम

🚨 Yuzvendra Chahal talking about on horrible incident with him by Australia player 🚨

“There was a party going on at ITC garden. I was playing for MI, but the RCB get together party was going on, downstairs. So I went there, everyone was there”.

“There was this guy. So he was very drunk, like proper wasted. He was from Australia. So he called me over, I went just went over. Then he picked me up, he picked me up in a playful way. Then he took me to the balcony and stood me there, and my hand was here behind the neck”.

“He was so drunk, the people around there, they were just numb. Then they eventually pulled me out. So I felt like I got a second life. There was 56th floor”.

— VIKAS (@Vikas662005) October 16, 2026

या घटनेचा उल्लेख चहलने २०२२ मध्ये पहिल्यांदा केला होता, तेव्हा सोशल मीडियावर अँड्र्यू सायमंड्स आणि जेम्स फ्रँकलिन यांची नावे चर्चेत आली होती. मात्र या पॉडकास्टमध्ये चहलने स्पष्ट केले की, त्या दोघांपैकी कोणीही या घटनेत सामील नव्हते, तो ऑस्ट्रेलियन क्रिकेटपटू भलताच होता. त्यावेळी आपण खूप तरुण असल्याने अधिकृत तक्रार कशी करावी हे समजले नाही आणि वादात न पडता खेळावर लक्ष केंद्रित करणे योग्य मानले, त्यामुळे त्याने त्या खेळाडूचे नाव जाहीर केले नाही.

हेही वाचा – West Indies Revenue : ‘भारत २५० कोटी कमावणार अन् आम्हाला १ पैसाही नाही…’, वेस्ट इंडिज का संतापला? ICCवर उपस्थित केला सवाल प्रश्नचिन्ह

आयपीएल इतिहासातील सर्वात यशस्वी गोलंदाज –

चहलने २०१३ मध्ये मुंबई इंडियन्सकडून आयपीएलमध्ये पदार्पण केले होते. त्यानंतर तो आरसीबीचा मुख्य फिरकीपटू बनला आणि सलग आठ मोसम खेळला. आज चहल आयपीएलच्या इतिहासातील सर्वात यशस्वी गोलंदाज असून त्याने १८८ सामन्यांत २३३ विकेट्स टिपले आहेत. आयपीएल २०२६ मध्ये त्याने पंजाब किंग्सचे प्रतिनिधित्व करताना १४ लढतींत १२ गडी बाद केले होते.