T20 World Cup 2024 & Mohammed Shami Injury Update : टीम इंडियाचा वेगवान गोलंदाज मोहम्मद शमी टी-20 वर्ल्ड कपमध्ये खेळताना दिसणार का? वास्तविक, सध्या मोहम्मद शमी शस्त्रक्रियेनंतर पुनर्वसनाखाली आहे. टी-20 विश्वचषकात मोहम्मद शमीच्या खेळाबाबत सातत्याने अटकळे बांधली जात आहेत. अलीकडेच, या वेगवान गोलंदाजाने सोशल मीडियावर प्रेरक ओळी शेअर केल्या होत्या, त्यानंतर मोहम्मद शमी टी-20 विश्वचषकापर्यंत तंदुरुस्त होईल, अशी अटकळ बांधली जात आहे. मात्र, याबाबत अद्याप कोणतीही अधिकृत माहिती समोर आलेली नाही.

दरम्यान, T20 विश्वचषकापूर्वी भारतीय संघासाठी एक दिलासादायक बातमी समोर आली आहे. संघाचा वेगवान गोलंदाज मोहम्मद शमीने त्याच्या दुखापतीबाबत माहिती दिली आहे. शमीवर शस्त्रक्रिया झाली असून तो पुनर्वसन प्रक्रियेतून जात आहे. त्याने लवकरच मैदानात परतण्याची इच्छा व्यक्त केली आहे. यासोबतच त्याने पुनर्वसन प्रक्रियेचा एक व्हिडिओही सोशल मीडियावर शेअर केला आहे.

या 33 वर्षीय वेगवान गोलंदाजाने इंस्टाग्रामवर पुनर्वसन प्रक्रियेचा व्हिडिओ शेअर केला आहे. व्हिडिओ शेअर करताना त्याने कॅप्शन लिहिले की, “दुखापत तुम्हाला परिभाषित करत नाही, परंतु तुमचे पुनरागमन तुम्हाला परिभाषित करते. मी पुन्हा माझ्या सहकाऱ्यांसोबत खेळण्यासाठी आतुरतेने वाट पाहत आहे.” या व्हिडिओनंतर सोशल मीडियावर मोहम्मद शमी टी-20 विश्वचषकापर्यंत तंदुरुस्त होण्याची शक्यता वर्तवली जात आहे.

 

View this post on Instagram

 

A post shared by 𝕸𝖔𝖍𝖆𝖒𝖒𝖆𝖉 𝖘𝖍𝖆𝖒𝖎 (@mdshami.11)

खरंतर, मोहम्मद शमी वनडे वर्ल्डकप 2023 पासून मैदानापासून दूर आहे. एकदिवसीय विश्वचषकात मोहम्मद शमीने सर्वाधिक 24 विकेट घेतल्या होत्या, मात्र असे असतानाही टीम इंडियाला अंतिम फेरीत ऑस्ट्रेलियाकडून पराभवाचा सामना करावा लागला होता.

मोहम्मद शमी कधी पुनरागमन करू शकतो?

तथापि, काही मीडिया रिपोर्ट्सवर विश्वास ठेवला तर, मोहम्मद शमी टी-20 वर्ल्ड कपपर्यंत पूर्णपणे तंदुरुस्त होणे जवळजवळ अशक्य आहे. पण भारतीय चाहत्यांसाठी चांगली गोष्ट म्हणजे मोहम्मद शमी वेगाने बरा होत आहे. यापूर्वी शुभमन गिलच्या नेतृत्वाखालील आयपीएल संघ गुजरात टायटन्सला मोठा धक्का बसला होता. वास्तविक मोहम्मद शमीला शस्त्रक्रियेनंतर संपूर्ण आयपीएल 2024 हंगामातून बाहेर व्हावे लागले .

T20 World Cup 2024 : आयसीसीच्या IND vs PAK सामन्याच्या पोस्टरमधून रोहित आणि बाबर गायब, ‘या’ खेळाडूंना बनवले दोन्ही संघांचा चेहरा..?

मात्र, मोहम्मद शमीने लवकरात लवकर टीम इंडियात पुनरागमन करावे, अशी भारतीय चाहत्यांची इच्छा आहे. त्याचवेळी, भारतीय संघ व्यवस्थापन जसप्रीत बुमराहच्या टी-20 विश्वचषकातील जोडीदाराच्या शोधात आहे. दरम्यान, आयपीएलमधील त्याच्या अनुपस्थितीमुळे, शमी आयपीएलनंतर लगेचच जूनमध्ये यूएस आणि वेस्ट इंडिजमध्ये होणाऱ्या टी-20 विश्वचषकासाठी भारतीय संघाचा भाग असेल अशी शक्यता नाही.