West Indies Beat Bangladesh 1st Test WTC Points Table Impact : वेस्ट इंडिजने दोन सामन्यांच्या कसोटी मालिकेतील पहिल्या रोमांचक सामन्यात बांगलादेशचा ८ गडी राखून धुव्वा उडवला आहे. या विजयासह कॅरेबियन संघाने मालिकेत १-० अशी आघाडी घेतली आहे. विशेष म्हणजे वेस्ट इंडिजचा हा विजय भारतीय संघासाठी सुवार्ता घेऊन आला आहे. जागतिक कसोटी अजिंक्यपद (WTC) स्पर्धेच्या गुणतालिकेत टीम इंडिया चौथ्या स्थानावर पोहोचली आहे; तर अंतिम फेरी गाठण्याचे स्वप्न पाहणाऱ्या बांगलादेशची थेट पाचव्या स्थानी घसरण झाली आहे. आता अंतिम फेरीत पोहोचण्यासाठी भारताला न्यूझीलंड आणि ऑस्ट्रेलियाविरुद्धचे आगामी सामने जिंकणे अनिवार्य ठरणार आहे.

शादमानचे शतक व्यर्थ; पहिल्या डावात बांगलादेशची घसरण –

नाणेफेक जिंकून प्रथम फलंदाजी करणाऱ्या बांगलादेशची सुरुवात मजबूत झाली होती. सलामीवीर शादमान इस्लामच्या शानदार १०५ धावांमुळे संघाने ३ बाद २२१ अशी भक्कम स्थिती गाठली होती. मात्र, त्यानंतर जोमेल वारिकनच्या फिरकीसमोर बांगलादेशची फलंदाजी ढेपाळली आणि अखेरचे ७ फलंदाज अवघ्या ५१ धावांत तंबूत परतले; संपूर्ण संघ २७२ धावांवर सर्वबाद झाला. प्रत्युत्तरात वेस्ट इंडिजने कॅम्पबेल, चंद्रपॉल, ग्रीव्ह्स आणि चेस यांच्या अर्धशतकांच्या जोरावर २४५ धावा केल्या, ज्यामुळे बांगलादेशला पहिल्या डावात २७ धावांची निसटती आघाडी मिळाली.

रोस्टन चेस-वारिकनचे वादळ; दुसऱ्या डावात बांगलादेशचा चुराडा

India gain in the #WTC27 standings following West Indies’ win in Mirpur 🏏

Try out the ICC World Test Championship Standings Predictor here 👉 https://t.co/T8iyDajWzL https://t.co/HcoKVaOuvu

— ICC (@ICC) October 31, 2026

दुसऱ्या डावात मोठी आघाडी घेण्याच्या इराद्याने मैदानात उतरलेल्या बांगलादेशच्या फलंदाजांनी सपशेल नांगी टाकली. कॅरेबियन फिरकीपटू रोस्टन चेसने ५ आणि वारिकनने ४ विकेट्स घेत बांगलादेशचे कंबरडे मोडले. एका क्षणी अवघ्या ५३ धावांत ६ आघाडीचे फलंदाज माघारी परतले होते; तळाच्या फलंदाजांच्या प्रतिकारामुळे संघ कशीबशी १४२ धावांची मजल मारू शकला. यामुळे वेस्ट इंडिजसमोर विजयासाठी अवघे १७० धावांचे माफक लक्ष्य उरले.

हेही वाचा – Dinesh Karthik Statement : “वैभवसाठी नेहमी संजूचाच बळी का देता? अभिषेकलाही विश्रांती द्या”, पाचव्या सामन्यापूर्वी दिनेश कार्तिकचं वक्तव्य

ब्रँडन किंगचे नाबाद अर्धशतक; भारताचा अंतिम फेरीचा मार्ग खुला

Chase breaks through, King brings it home! 🔥🏏
Roston Chase’s 5/36 and Brandon King’s unbeaten 81 power West Indies to an eight-wicket win over Bangladesh in Mirpur. Target 170 chased down on Day 4, and the visitors go 1–0 up!

#BANvWI #MenInMaroon https://t.co/sT9nOhbjEj

— CrickBuster (@Crick_buster) October 31, 2026

प्रत्युत्तरात १७० धावांच्या लक्ष्याचा पाठलाग करताना वेस्ट इंडिजने आक्रमक सुरुवात केली. ब्रँडन किंगने नाबाद ८१ धावांची संयमी खेळी केली, तर जॉन कॅम्पबेलने ४९ आणि कावेम हॉजने अवघ्या २७ चेंडूंत नाबाद ३१ धावा कुटत २ गड्यांच्या मोबदल्यात सहज विजय मिळवून दिला. बांगलादेशच्या पराभवामुळे आता गुणतालिकेत दक्षिण आफ्रिका अव्वल स्थानावर मजबूत असून, भारताला अंतिम फेरी गाठण्यासाठी आता न्यूझीलंड आणि ऑस्ट्रेलियाविरुद्ध विजय मिळवून गुणतालिकेत आगेकूच करावी लागणार आहे.