Aakash Chopra Slams : “वैभवला बेंचवर बसवण्यापेक्षा घरी पाठवा”, टीम इंडियाच्या रणनीतीवर आकाश चोप्राने उपस्थित केले गंभीर प्रश्न
Aakash Chopra Slams : जर वैभव सूर्यवंशीला संघात संधी द्यायची नसेल आणि त्याला केवळ राखीव खेळाडू म्हणून ठेवायचे असेल, तर त्याला घरी पाठवा, असे मत आकाश चोप्राने व्यक्त केले.
Aakash Chopra Slams Team Management Over Dropping Vaibhav Sooryavanshi In NZ T20 : भारत आणि न्यूझीलंड यांच्यातील पाच सामन्यांच्या टी-२० मालिकेतील चार सामने पूर्ण झाले असून, भारतीय संघाने मालिकेत आधीच विजयी आघाडी घेतली आहे. मात्र, या मालिकेत १५ वर्षीय प्रतिभावान फलंदाज वैभव सूर्यवंशी याच्यासोबत झालेल्या वागणुकीमुळे क्रिकेट जगतात तीव्र नाराजी व्यक्त होत आहे. इशान किशन दुखापतग्रस्त असल्याने वैभवला दोन सामने खेळण्याची संधी मिळाली होती; परंतु इशान फिट होताच चौथ्या सामन्यातून वैभवला थेट प्लेइंग इलेव्हनमधून बाहेर काढण्यात आले. या निर्णयावर भारताचा माजी सलामीवीर आणि समालोचक आकाश चोप्राने संघ व्यवस्थापनावर जोरदार ताशेरे ओढले आहेत.
१० सामन्यांत १८५ चा स्ट्राईक रेट; तरीही सातत्याने उपेक्षा
वैभव सूर्यवंशीने आतापर्यंत भारताकडून १० आंतरराष्ट्रीय टी-२० सामने खेळले असून, २९.५ ची सरासरी आणि तब्बल १८५.५४ च्या तुफानी स्ट्राईक रेटने २९५ धावा फटकावल्या आहेत. यात त्याच्या दोन अर्धशतकांचा समावेश आहे. तरीही त्याला अफगाणिस्तान, वेस्ट इंडिज आणि आयर्लंडविरुद्धच्या मालिकांमध्ये बेंचवरच बसवून ठेवण्यात आले. इंग्लंडविरुद्ध त्याला तीन सामने मिळाले होते. न्यूझीलंडविरुद्ध वेलिंग्टन येथे झालेल्या तिसऱ्या टी-२० मध्ये वैभवने अवघ्या १९ चेंडूंत ४५ धावांची आक्रमक खेळी केली होती. मात्र, इतकी चमकदार कामगिरी करूनही मालिका जिंकल्यानंतरच्या औपचारिक सामन्यात त्याला पुन्हा डावलण्यात आले.
‘बेंचवर बसवून ठेवण्यापेक्षा घरी पाठवून द्या’; चोप्राचा घणाघात
🚨”WILL YOU PLAY VAIBHAV SURYAWANSHI ONLY WHEN SOMEONE IS INJURED?” – AAKASH CHOPRA SLAMS INDIA TEAM MANEGEMENT🚨
Aakash Chopra said 🗣️,
“Last match, Abhishek made 100 and Vaibhav missed his 50. But the batting was very good. After that, the question was, if Ishan is fit, who will go out. If you think philosophically, then the answer is Vaibhav Suryavanshi since he replaced an injured Kishan. But this was a dead rubber. The decision to drop Vaibhav Suryavanshi leads to a bigger question. Will you play Vaibhav Suryavanshi only when someone is injured? Or when someone is unavailable? If that is the case, you can send him home. You can tell him to go and play first-class cricket. Of course, he can learn by staying in the Indian dressing room. But, if it’s happening for an extended period, it’s better he gets bat on ball.”
— Cricket Central (@CricketCentrl) October 31, 2026
आपल्या यूट्यूब चॅनलवर बोलताना आकाश चोप्रा म्हणाला, “मालिका ३-० अशी जिंकल्यानंतर उरलेले दोन्ही सामने डेड रबर होते. अशा वेळी तुम्ही युवा खेळाडूंना संधी देणे अपेक्षित होते. जर रोटेशन पॉलिसी वापरायचीच नाही, तर वैभवला संघात ठेवण्याचा काय उपयोग? फक्त ड्रेसिंग रूममध्ये बसून शिकता येते, हे काही काळापुरते ऐकायला ठीक वाटते; पण सतत बेंचवर बसून कोणताही खेळाडू शिकू शकत नाही. त्याला मैदानात बॅट हातात घेऊन खेळावे लागेल. जर त्याला केवळ बॅकअप म्हणून ठेवायचे असेल, तर त्याला फ्री करून घरी पाठवा. तो देशांतर्गत प्रथम श्रेणी क्रिकेट खेळून स्वतःचा फॉर्म तरी टिकवून ठेवेल.”
‘कोणी जायबंदी झाल्यावरच संधी मिळणार का?’; विचारला रोखठोक सवाल
वैभवला वगळण्याच्या धोरणावर प्रश्नचिन्ह उपस्थित करत चोप्रा पुढे म्हणाला, “संघाचे नेमके काय धोरण आहे? वैभव सूर्यवंशी केवळ तेव्हाच खेळणार का जेव्हा एखादा मोठा खेळाडू दुखापतग्रस्त किंवा अनुपलब्ध असेल? त्याच्याशिवाय त्याला संधीच मिळणार नाही का? जर संघात जागा बनवता येत नसेल, तर त्याला स्पष्ट सांगावे की तुम्ही फर्स्ट क्लास क्रिकेट खेळा आणि तयार होऊन या. अशा अनिश्चिततेच्या धुक्यात युवा खेळाडूला ठेवणे पूर्णपणे चुकीचे आहे.”
वैभवच्या भविष्याबाबत स्पष्ट रोडमॅप जाहीर करण्याची मागणी –
🚨”WILL YOU PLAY VAIBHAV SURYAWANSHI ONLY WHEN SOMEONE IS INJURED?” – AAKASH CHOPRA SLAMS INDIA TEAM MANEGEMENT🚨
Aakash Chopra said 🗣️,
“Last match, Abhishek made 100 and Vaibhav missed his 50. But the batting was very good. After that, the question was, if Ishan is fit, who will go out. If you think philosophically, then the answer is Vaibhav Suryavanshi since he replaced an injured Kishan. But this was a dead rubber. The decision to drop Vaibhav Suryavanshi leads to a bigger question. Will you play Vaibhav Suryavanshi only when someone is injured? Or when someone is unavailable? If that is the case, you can send him home. You can tell him to go and play first-class cricket. Of course, he can learn by staying in the Indian dressing room. But, if it’s happening for an extended period, it’s better he gets bat on ball.”
— Sportsnexa (@sportsnexa07) October 31, 2026
आकाश चोप्राने शेवटी संघ व्यवस्थापनाला थेट इशारा देत म्हटले की, अशा प्रतिभावान खेळाडूबाबत नेमका काय विचार सुरू आहे याचा स्पष्ट रोडमॅप जाहीर केला पाहिजे. “कदाचित व्यवस्थापनाने काही प्लॅन आखला असेल, पण तो जाहीर न केल्यामुळे संभ्रम वाढतो आहे. सार्वजनिकरीत्या स्पष्टता दिली तर हे प्रश्न उपस्थित होणार नाहीत,” असे मत मांडत चोप्राने वैभवच्या विकासासाठी त्याला आंतरराष्ट्रीय स्तरावर सातत्याने खेळवण्याची किंवा देशांतर्गत क्रिकेटमध्ये पूर्ण वेळ खेळू देण्याची आग्रही मागणी केली.
