Kagiso Rabada Fastest Fast Bowler To 350 Test Wickets Breaks Dale Steyn Record : द. आफ्रिका आणि ऑस्ट्रेलिया यांच्यात सुरू असलेल्या तीन सामन्यांच्या कसोटी मालिकेतील शेवटच्या निर्णायक सामन्यात आफ्रिकेचा स्टार वेगवान गोलंदाज कगिसो रबाडा याने जागतिक विक्रमाला गवसणी घातली आहे. न्यूलँड्स मैदानावर सुरू असलेल्या या सामन्याच्या पाचव्या दिवशी रबाडाने ऑस्ट्रेलियाचा आक्रमक फलंदाज ट्रॅव्हिस हेडला बाद करताच कसोटी कारकिर्दीतील ३५० विकेट्सचा टप्पा गाठला. या कामगिरीसह त्याने आपल्याच देशाचा माजी दिग्गज गोलंदाज डेल स्टेन याचा मोठा विक्रम मोडत नवा जागतिक इतिहास रचला आहे.

सर्वात कमी चेंडूंत ३५० विकेट्स घेणारा जगातील पहिला वेगवान गोलंदाज –

केपटाऊन कसोटीच्या पहिल्या डावात रबाडाला केवळ एकच विकेट्स मिळवता आली होती; मात्र दुसऱ्या डावात २८८ धावांच्या आव्हानाचा पाठलाग करणाऱ्या कांगारूंच्या फलंदाजांची त्याने दाणादाण उडवली. रबाडा आता कसोटी क्रिकेटच्या इतिहासात सर्वात कमी चेंडू टाकून ३५० विकेट्स पूर्ण करणारा जगातील सर्वात वेगवान गोलंदाज ठरला आहे. त्याने हा टप्पा अवघ्या १३,८०८ चेंडूंत गाठला. यापूर्वी हा विक्रम डेल स्टेनच्या नावावर होता, ज्याने १४,७१९ चेंडूंत ही कामगिरी केली होती.

सर्वात कमी चेंडूंत ३५० बळी घेणारे वेगवान गोलंदाज:

• • कगिसो रबाडा (दक्षिण आफ्रिका) – १३,८०८ चेंडू
  • डेल स्टेन (दक्षिण आफ्रिका) – १४,७१९ चेंडू
  • वकार युनूस (पाकिस्तान) – १४,९०५ चेंडू
  • माल्कम मार्शल (वेस्ट इंडिज) – १६,२८५ चेंडू
  • मिचेल स्टार्क (ऑस्ट्रेलिया) – १६,९०८ चेंडू

350 wickets in Tests
168 wickets in ODIs
83 wickets in T20Is

Kagiso Rabada becomes fastest ever to complete 350 wickets in test
https://t.co/xLsz4WgiuM

— Arjun Singh 🕉 (@Thakur_Sahab_21) October 31, 2026

७५ व्या कसोटीत पराक्रम; मार्शलच्या पंगतीत स्थान –

Kagiso Rabada has taken the fewest balls in Test history to complete 350 wickets 🤫 ⚡ https://t.co/3KDikUsEjI

— Cricinfo (@cricinfo) October 31, 2026

कगिसो रबाडाने आपल्या कारकिर्दीतील ७५ व्या कसोटीत ३५० विकेट्सचा पल्ला पूर्ण केला. कसोटी सामन्यांच्या संख्येचा विचार केल्यास तो वेस्ट इंडिजचा महान गोलंदाज माल्कम मार्शल यांच्यासह संयुक्तपणे चौथ्या स्थानावर पोहोचला आहे. या यादीत रिचर्ड हॅडली आणि डेल स्टेन संयुक्तपणे अव्वल स्थानी (६९ कसोटी) असून डेनिस लिली (७० कसोटी) दुसऱ्या, तर ग्लेन मॅकग्रा (७४ कसोटी) तिसऱ्या स्थानावर आहेत.

हेही वाचा – IND vs NZ ODI : बीसीसीआयचा मोठा निर्णय! न्यूझीलंडविरुद्धच्या वनडे मालिकेसाठी ‘या’ खेळाडूला मिळाली संधी

दक्षिण आफ्रिकेचा चौथा दिग्गज गोलंदाज –

कसोटी क्रिकेटमध्ये ३५० विकेट्सचा आकडा पार करणारा रबाडा हा दक्षिण आफ्रिकेचा इतिहासातील केवळ चौथा गोलंदाज ठरला आहे. त्याच्याआधी हा पराक्रम डेल स्टेन, शॉन पोलॉक आणि मखाया न्तिनी यांनी केला आहे. वयाच्या अवघ्या ३१ व्या वर्षी अशी अद्भूत कामगिरी करत रबाडाने आधुनिक क्रिकेटमधील सर्वश्रेष्ठ वेगवान गोलंदाज म्हणून आपले स्थान पुन्हा एकदा सिद्ध केले आहे.