Commonwealth Kabaddi Championship 2026 India Beats Bangladesh Enters Final : कॉमनवेल्थ कबड्डी चॅम्पियनशिप २०२६ च्या उपांत्य फेरीत भारतीय पुरुष कबड्डी संघाने आपल्या लौकिकाला साजेसा खेळ करत बांगलादेशचा ५६-२७ असा एकतर्फी धुव्वा उडवला. पहिल्या मिनिटापासून अखेरपर्यंत सामन्यावर एकछत्री वर्चस्व गाजवत भारताने दिमाखात अंतिम फेरीत धडक मारली आहे. आता ३१ ऑक्टोबर रोजी होणाऱ्या सुवर्णपदकाच्या अंतिम महामुकाबल्यात भारताचा सामना श्रीलंकेविरुद्ध होणार आहे. दुसऱ्या उपांत्य फेरीत श्रीलंकेने केनियाचा २८-२४ असा पराभव करत अंतिम फेरी गाठली आहे.

नवीन आणि नीरजची वादळी सुरुवात; ५ मिनिटांत पहिला ऑलआऊट

सामन्याच्या सुरुवातीला बांगलादेशच्या दीपायोन गोल्डरने यशस्वी चढाई करत संघाचे खाते उघडले खरे; मात्र त्यानंतर भारतीय खेळाडूंनी सामन्याचा ताबा पूर्णपणे आपल्या हातात घेतला. चढाईत नवीन कुमार आणि नीरज नरवाल यांनी आक्रमक चढाया करत गुण वसूल केले, तर बचावफळीत दीपक एस. आणि शुभम शिंदे यांनी अभेद्य भिंत उभी केली. अवघ्या पाच मिनिटांच्या आत भारताने बांगलादेशवर पहिला लोण चढवून सामन्यावर पकड मजबूत केली.

भरत हुड्डाचे १३ गुण अन् पहिल्या हाफमध्ये २८-८ ची आघाडी –

पहिल्या हाफमध्ये आठ मिनिटे शिल्लक असताना भारताने बांगलादेशला दुसऱ्यांदा ऑलआऊट केले. मध्यंतरापर्यंत भारताने २८-८ अशी भक्कम आघाडी मिळवून प्रतिस्पर्ध्यांचे कंबरडे मोडले होते. विशेष म्हणजे पहिल्या हाफमध्ये बांगलादेशला एकही टॅकल पॉईंट मिळवता आला नाही. सामन्यात भारताकडून भरत हुड्डाने सर्वाधिक १३ गुण पटकावले, तर शिवम पटारेने ११ आणि नीरज नरवालने ९ गुणांचे मोलाचे योगदान दिले. डिफेन्समध्ये अजित पवारने ८ प्रयत्नांत ५ टॅकल पॉईंट्स मिळवले.

Indian Men’s and Women’s teams enter the finals of Commonwealth Kabaddi Championships in #Ahmedabad.

#India🇮🇳 #Kabaddi #CommonwealthKabaddi #Gujarat https://t.co/dTmj1oGsIQ

— All India Radio News (@airnewsalerts) October 31, 2026

बांगलादेशवर तिसरा लोण; भारताचा ५६-२७ ने विजय –

INDIA STORM INTO THE COMMONWEALTH KABADDI C’SHIP FINAL! 🤩🇮🇳

India’s Men’s team Thrashed Bangladesh 🇧🇩 56-27 to book their place in the Final

ONE STEP AWAY FROM THE TITLE! 🏆💪 https://t.co/ZE9ZQ0iLBf

— The Khel India (@TheKhelIndia) October 30, 2026

मध्यंतरानंतरही भारताने आपल्या आक्रमणाची धार कायम राखली. सामना संपायला चार मिनिटे शिल्लक असताना भरत हुड्डाच्या चढायांच्या बळावर भारताने बांगलादेशला तिसऱ्यांदा ऑलआऊट करत आघाडी ४९-२० अशी वाढवली. अखेर भारताने ३७ रेड पॉईंट्स, १२ टॅकल पॉईंट्स आणि ऑलआऊटच्या ६ गुणांच्या जोरावर ५६-२७ असा विक्रमी विजय साकारला.

हेही वाचा – Kagiso Rabada Record : केपटाऊनमध्ये कगिसो रबाडाची ऐतिहासिक भरारी! ट्रॅव्हिस हेडला बाद करताच डेल स्टेनचा मोडला वर्ल्ड रेकॉर्ड

श्रीलंकेने केनियाला नमवले; ३१ ऑक्टोबरला फायनल

🇮🇳 Unbeaten Road To The Final! India Eye Double Glory!

Both Indian teams have reached the finals unbeaten! The women will face Uganda at 7:30 PM, followed by the men taking on Sri Lanka at 9:00 PM. One final step towards double glory! 🏆

#CommonwealthKabaddi #TeamIndia https://t.co/R6IowcRGSs

— Kabaddi Time (@Kabadditime) October 31, 2026

दुसऱ्या उपांत्य फेरीत श्रीलंकेने अत्यंत अटीतटीच्या लढतीत केनियाचा २८-२४ असा पराभव करत फायनलचे तिकीट पक्के केले. श्रीलंकेकडून मिलिंदा चतुरंग आणि सबिहान यांनी प्रत्येकी ६ गुण मिळवले, तर माडे द्विकी संजयाने डिफेन्समध्ये ५ गुण टिपले. आता ३१ ऑक्टोबर रोजी रंगणाऱ्या अंतिम सामन्यात भारतीय वाघांसमोर श्रीलंकेचे आव्हान असणार आहे.