Khadakwasla Dam :  पुण्यातील खडकवासला धरणाच्या पाणी पातळीमध्ये सध्या घट होत आहे. या बदलत्या परिस्थितीमुळे प्रशासनाने मुठा नदीपात्रात सोडण्यात येणाऱ्या पाण्याच्या विसर्गात कपात करण्याचा निर्णय घेतला आहे.

त्यानुसार आज बुधवार, दिनांक ८ जुलै २०२६ रोजी ठीक दुपारी १२:३० वाजता खडकवासला धरणाच्या सांडव्यावरून मुठा नदीपात्रामध्ये केला जाणारा २७,२०३ क्युसेक विसर्ग कमी करून तो १८,२७१ क्युसेक इतका करण्यात आला आहे.

सध्या धरण क्षेत्रातील पाण्याची आवक आणि पावसाचे प्रमाण पाहून हा निर्णय घेण्यात आला असला तरी आगामी काळातील पावसाच्या वेगानुसार हा विसर्ग पुन्हा कमी किंवा जास्त करण्याची शक्यता जलसंपदा विभागाने वर्तवली आहे.

या पार्श्वभूमीवर प्रशासनाने नदीकाठच्या गावांना आणि नागरिकांना तातडीने योग्य ती खबरदारी व दक्षता घेण्याचे आवाहन केले आहे. मुठा नदीचा प्रवाह लक्षात घेता नागरिकांनी कोणत्याही कारणासाठी नदीपात्रात उतरू नये, अशा कडक सूचना देण्यात आल्या आहेत.

तसेच नदीपात्रात किंवा त्याच्या आसपास कोणाचे काही वैयक्तिक साहित्य, वाहने अथवा पाळीव जनावरे असल्यास ती तात्काळ सुरक्षित स्थळी हलवण्याचे आदेश देण्यात आले आहेत.

नदीकाठच्या भागात राहणाऱ्या संबंधित नागरिकांना स्थानिक प्रशासनामार्फत वेळीच सूचना देऊन सतर्क करण्यात येत असून, संभाव्य धोका टाळण्यासाठी उचित कार्यवाही करण्याचे काम युद्धपातळीवर सुरू आहे. Khadakwasla Dam

हेही वाचा: 

RAM MANDIR: राम मंदिरातील दानचोरी प्रकरणात सर्वात मोठा खुलासा ; ‘बनावट पावती पुस्तके जप्त, आरोपींकडून खंडणी मागितल्याची कबुली