RAM MANDIR: अयोध्या मधील जगप्रसिद्ध राम मंदिरातील देणगी चोरी प्रकरणात एक मोठा खुलासा झाला आहे. एसआयटीने आरोपींच्या सांगण्यावरून एक बनावट पावती पुस्तक जप्त केले आहे. आरोपींनी या बनावट पावती पुस्तकाद्वारे देणगी गोळा केल्याची धक्कादायक कबुलीही दिली आहे.

पोलीस तपासादरम्यान आरोपींनी कबूल केले आहे की, त्यांनी केवळ देणगी चोरली नाही, तर देणगीदारांकडून पैसे उकळण्यासाठी बनावट पावत्याही दिल्या.

समोर आलेल्या माहितीनुसार,”आरोपींकडून श्री राम जन्मभूमी तीर्थ क्षेत्र ट्रस्टची जुनी बनावट पावती पुस्तकेही जप्त करण्यात आली आहेत.” त्यासोबतच  जेव्हा कोणी मंदिराला देणगी देऊ इच्छित असे, तेव्हा संशय टाळण्यासाठी टिन्नू यादव, लवकुश मिश्रा, करुणेश पांडे, अनुकूल मिश्रा आणि इतर अटक केलेले आरोपी या बनावट पावत्याच देत असत असेही म्हटले गेले आहे.

ऑनलाइन प्रणालीनंतर बनावट पावत्या देणे बंद  RAM MANDIR: 

या पावत्यांवर श्री राम जन्मभूमी तीर्थ क्षेत्राचा लोगो होता. या पावत्या अगदी मूळ पावत्यांसारख्याच दिसत होत्या. आता, नवीन पद्धतीनुसार पावत्या ऑनलाइन उपलब्ध आहेत. त्यामुळे, या लोकांनी या पावत्या वापरणे बंद केले.

राम मंदिरातील कागदी पावती पद्धत रद्द झाल्यानंतर, देणगीदार एकतर थेट राम मंदिराच्या बँक खात्यात पैसे पाठवत किंवा मंदिरात येऊन दान काउंटरवरून पावती घेत असत.