Sehwag Sachin Yuvraj Praises Vaibhav Sooryavanshi : आयपीएल २०२६ च्या ‘एलिमिनेटर’ सामन्यात सनरायझर्स हैदराबादविरुद्ध अवघ्या २९ चेंडूंत ९७ धावा कुटणाऱ्या राजस्थान रॉयल्सच्या वैभव सूर्यवंशीने संपूर्ण क्रिकेट जगताला वेड लावले आहे. पॅट कमिन्ससारख्या जागतिक दर्जाच्या गोलंदाजाची धुलाई करत वैभवने १२ षटकार आणि ५ चौकारांसह केलेल्या या अतरंगी खेळीनंतर आता भारतीय क्रिकेटमधील दिग्गजांनी त्याच्यावर कौतुकाचा वर्षाव केला आहे. वीरेंद्र सेहवागने त्याला भारतीय संघात स्थान मागणी केली

“आता वेळ आलीये, वैभवला थेट भारतीय संघात घ्या!” – वीरेंद्र सेहवाग

या सामन्यात राजस्थानने वैभवच्या बळावर २० षटकांत २४३ धावांचा डोंगर उभारला. त्यानंतर ‘जिओ हॉटस्टार’च्या मिड-इनिंग शोमध्ये बोलताना वीरेंद्र सेहवागने वैभवच्या कौतुकात मोठे विधान केले. सहवाग म्हणाला, “मी खूप प्रदीर्घ काळानंतर मैदानावर अशी निडर आणि आक्रमक खेळी पाहिली आहे. आता योग्य वेळ आली आहे की या १५ वर्षांच्या मुलाला थेट भारतीय क्रिकेट संघात सामील करून घेतले पाहिजे. वैभवने या हंगामात ६०० हून अधिक धावा केल्या आहेत आणि या वयात अशी कामगिरी करणे अजिबात सोपे काम नाही.”

“त्याचा बॅट स्विंग जबरदस्त!” – सचिन तेंडुलकर

Vaibhav Sooryavanshi’s bat swing has been outstanding. What’s even more remarkable is how beautifully he clears his front foot to create room for balls aimed at his legs. This freedom allows him to play the way he does.

That innings was nothing short of spectacular!

— Sachin Tendulkar (@sachin_rt) May 27, 2026

क्रिकेटचा देव मानल्या जाणाऱ्या सचिन तेंडुलकरने सोशल मीडिया प्लॅटफॉर्म ‘X’ (ट्विटर) वर पोस्ट लिहीत वैभवच्या कौशल्याचे कौतुक केले. सचिनने लिहिले, “वैभव सूर्यवंशीचा बॅट स्विंग खरोखरच जबरदस्त आहे. पण त्याहूनही अद्भूत गोष्ट म्हणजे, तो ज्या पद्धतीने आपला पुढचा पाय बाजूला सारून, पायावर येणाऱ्या चेंडूंना फटकावण्यासाठी जागा (क्रीझमध्ये रूम) बनवतो, ते लाजवाब आहे. याच स्वातंत्र्यामुळे तो इतका बेधडक खेळू शकतो. ही खेळी एका चमत्कारापेक्षा कमी नव्हती!”

हेही वाचा – Vaibhav Sooryavanshi Record : वैभव सूर्यवंशीच्या स्फोटक खेळीने क्रिकेट विश्वात खळबळ! तब्बल १२ षटकार ठोकत मोडला शुबमन गिलचा विक्रम

“बॉस बेबीने वर्ल्ड बॉसचा रेकॉर्ड मोडला!” – युवराज सिंग

Boss baby breaks world bosses record! Unbelievable this kid great to watch 🔥 #unreal #VaibhavSooryavanshi #SRHvsRR @IPL

— Yuvraj Singh (@YUVSTRONG12) May 27, 2026

भारताचा माजी अष्टपैलू खेळाडू आणि सिक्सर किंग युवराज सिंगनेही वैभवच्या खेळावर आनंद व्यक्त केला. युवीने सोशल मीडियावर पोस्ट करत लिहिले, “बॉस बेबीने (वैभव) थेट वर्ल्ड बॉसचा (ख्रिस गेल) रेकॉर्ड मोडला! अविश्वसनीय! या लहान मुलाला मैदानात असे खेळताना पाहणे म्हणजे डोळ्यांचे पारणे फेडण्यासारखे आहे.”

He is the best T20 opener in the World .. India have to pick him … https://t.co/7BWRv1X5lL

— Michael Vaughan (@MichaelVaughan) May 27, 2026

ख्रिस गेलचा एकाच हंगामातील सर्वाधिक षटकारांचा विक्रम मोडीत काढणाऱ्या वैभवच्या पाठीवर देशातील दिग्गजांनी हात ठेवल्याने त्याचे भारतीय संघातील पदार्पण आता फार दूर नाही, अशा चर्चा रंगू लागल्या आहेत.