Vaibhav Sooryavanshi break Chris Gayle sixes record : आयपीएल २०२६ मधील अत्यंत प्रतिष्ठेच्या ‘एलिमिनेटर’ सामन्यात आज राजस्थान रॉयल्सच्या (RR) अवघ्या १५ वर्षांच्या वैभव सूर्यवंशीने सनरायझर्स हैदराबादविरुद्ध वादळ आणले आहे. मुल्लानपूर येथील महाराजा यादवेंद्र सिंह आंतरराष्ट्रीय स्टेडियमवर नाणेफेक हारल्यानंतर प्रथम फलंदाजी करताना वैभवने हैदराबादच्या गोलंदाजांची पिसं काढली. अवघ्या १६ चेंडूंत आपले वादळी अर्धशतक ठोकताना वैभवने आपल्या खेळीतील ७ वा षटकार मारताच, युनिव्हर्स बॉस ख्रिस गेलचा एकाच हंगामात सर्वाधिक षटकार मारण्याचा १४ वर्षांपूर्वीचा ऐतिहासिक जागतिक विक्रम मोडीत काढला.

ख्रिस गेलचा ‘तो’ जागतिक विक्रम उद्ध्वस्त!

ख्रिस गेलने २०१२ च्या आयपीएल हंगामात ५९ षटकार ठोकले होते. आज वैभवने ७ वा सिक्स मारताच या हंगामात आपले ६१ षटकार पूर्ण केले आणि गेलला मागे टाकले. ख्रिस गेलचा टी-२० क्रिकेटच्या इतिहासातील सर्वात वेगवान (३० चेंडूत) शतकाचा जागतिक रेकॉर्ड मोडण्याची सुवर्णसंधी वैभवकडे होती. त्याला २९ चेंडूंत शतक ठोकण्यासाठी केवळ ३ धावांची गरज होती, मात्र दुर्दैवाने तो ९७ धावांवर झेलबाद होऊन माघारी परतला आणि संपूर्ण स्टेडियममध्ये शांतता पसरली. त्याने आपल्या खेळीत पाच चौकार आणि १२ षटकारांची बरसात केली.

आयपीएलच्या एका हंगामात सर्वाधिक षटकार मारणारे फलंदाज:

• वैभव सूर्यवंशी (२०२६): ६५ षटकार
• ख्रिस गेल (२०१२): ५९ षटकार
• आंद्रे रसेल (२०१९): ५२ षटकार
• ख्रिस गेल (२०१३): ५१ षटकार
• जोस बटलर (२०२२): ४५ षटकार

We are out of words 👏👏

9⃣7⃣(29) of absolute force from Vaibhav Sooryavanshi 🔥🔥

Updates ▶️ https://t.co/OBIYYIuhbt #TATAIPL | #Eliminator | #TheFinalLeap | #SRHvRR pic.twitter.com/gtt63Wwkx1

— IndianPremierLeague (@IPL) May 27, 2026

ऋषभ पंतचा ८ वर्षांपूर्वीचा रेकॉर्ड मोडत ठरला सर्वात युवा ‘६००’ चा मानकरी!

या ऐतिहासिक खेळीदरम्यान वैभव सूर्यवंशीने चालू हंगामात आपल्या ६०० धावांचा टप्पाही पार केला. यासह तो आयपीएलच्या एकाच हंगामात ६०० किंवा त्याहून अधिक धावा करणारा इतिहासामधील सर्वात तरुण खेळाडू बनला आहे. यापूर्वी हा विक्रम भारतीय संघाचा यष्टीरक्षक फलंदाज ऋषभ पंतच्या नावावर होता, ज्याने २०१८ मध्ये दिल्ली कॅपिटल्सकडून खेळताना हा कारनामा केला होता.

हेही वाचा – IPL Season Split : क्रिकेटप्रेमींसाठी सर्वात मोठी बातमी! वर्षातून एकदा नाही तर दोनदा होणार आयपीएल; BCCI चा ९४ सामन्यांचा मेगा प्लॅन

यशस्वी जस्वाललाही पछाडले; बनला इतिहास सर्वात यशस्वी ‘अनकॅप्ड’ खेळाडू!

हैदराबादविरुद्ध अर्धशतक झळकावताच वैभव सूर्यवंशीच्या या हंगामात आता ६३० धावा झाल्या आहेत. यासह त्याने आयपीएलच्या एका हंगामात सर्वाधिक धावा करणाऱ्या ‘अनकॅप्ड’ (आंतरराष्ट्रीय पदार्पण न केलेला) खेळाडूंच्या यादीत अव्वल स्थान पटकावले आहे. वैभवने यशस्वी जयस्वालचा २०२३ मधील ६२५ धावांचा विक्रम मोडत नवा इतिहास रचला आहे. १५ वर्षांच्या या भारतीय पोराने एकाच रात्रीत क्रिकेट जगतातील अनेक दिग्गजांचे रेकॉर्ड्स मोडीत काढल्याने मुल्लानपूर स्टेडियममध्ये उपस्थित प्रेक्षक थक्क झाले.