Vaibhav Sooryavanshi Records SRH vs RR : आयपीएल २०२६ च्या ‘एलिमिनेटर’ या अत्यंत दबावाच्या सामन्यात राजस्थान रॉयल्सच्या (RR) अवघ्या १५ वर्षांच्या वैभव सूर्यवंशीने (Vaibhav Sooryavanshi) आपल्या बेधडक फलंदाजीने क्रिकेट विश्वाचे लक्ष वेधून घेतले आहे. सनरायझर्स हैदराबादविरुद्ध (SRH) मुल्लानपूर येथे खेळल्या गेलेल्या या नॉकआउट सामन्यात वैभवने केवळ धावांचा पाऊस पाडला नाही, तर एकामागून एक अनेक ऐतिहासिक विक्रम आपल्या नावावर केले.

सुरेश रैनाच्या १२ वर्षांपूर्वीच्या विक्रमाची केली बरोबरी!

वैभव सूर्यवंशीने या सामन्यात मैदानावर उतरताच हैदराबादच्या गोलंदाजांवर हल्लाबोल केला. त्याने अवघ्या १६ चेंडूंमध्ये आपले अर्धशतक (Fastest Fifty) पूर्ण केले. या वादळी खेळीसह त्याने आयपीएल प्ले-ऑफच्या इतिहासात सर्वात वेगवान अर्धशतक ठोकण्याच्या सुरेश रैनाच्या १२ वर्षांपूर्वीच्या (२०१४ मधील) विक्रमाची बरोबरी केली आहे. विशेष म्हणजे तो वयाच्या अवघ्या १५ वर्षी असा पराक्रम करणारा पहिलाच खेळाडू ठरला आहे.

आयपीएल नॉकआउट/प्ले-ऑफमधील सर्वात वेगवान अर्धशतके:

• १६ चेंडू: सुरेश रैना विरुद्ध पंजाब किंग्स (२०१४)
• १६ चेंडू: वैभव सूर्यवंशी विरुद्ध सनरायझर्स हैदराबाद (२०२६) *
• १७ चेंडू: अ‍ॅडम गिलक्रिस्ट विरुद्ध दिल्ली कॅपिटल्स (२००९)
• २० चेंडू: एमएस धोनी विरुद्ध मुंबई इंडियन्स (२०१२)

ख्रिस गेलचा १४ वर्षांपूर्वीचा ‘तो’ षटकारांचा रेकॉर्ड मोडला!

Heartbreak at 97 💔
But the knock will remain in our hearts forever 🩷

Updates ▶️ https://t.co/OBIYYIuhbt #TATAIPL | #Eliminator | #TheFinalLeap | #SRHvRR pic.twitter.com/pRRMlGzxBv

— IndianPremierLeague (@IPL) May 27, 2026

वैभवची रेकॉर्डब्रेक कामगिरी इथेच थांबली नाही. या सामन्यात एकूण १२ गगनचुंबी षटकार मारत त्याने चालू आयपीएल हंगामात आपल्या षटकारांची संख्या तब्बल ६५ वर पोहोचवली. यासह त्याने ख्रिस गेलचा २०१२ मधील एकाच हंगामात सर्वाधिक ५९ षटकार मारण्याचा १४ वर्षांपूर्वीचा ऑल-टाइम रेकॉर्ड उद्ध्वस्त केला. तसेच आयपीएलच्या एकाच डावात १० किंवा त्याहून अधिक षटकार मारण्याच्या बाबतीतही तो ख्रिस गेलच्या बरोबरीत पोहोचला आहे.

हेही वाचा -Vaibhav Sooryavanshi Record : १५ वर्षीय वैभव सूर्यवंशीचा कहर! ख्रिस गेलला मागे टाकत आयपीएलमध्ये रचला नवा इतिहास

ऋषभ पंतला मागे टाकत ऑरेंज कॅपवर कब्जा; ३ धावांनी शतक हुकले!

या ऐतिहासिक सामन्यात वैभवने आयपीएलच्या एकाच हंगामात ६०० धावा पूर्ण करणारा सर्वात युवा खेळाडू होण्याचा मान मिळवला. त्याने ऋषभ पंतचा २०१८ मधील विक्रम मोडीत काढला. वैभवने अवघ्या २८ चेंडूंत ९७ धावांची धुवांधार खेळी खेळली, मात्र २९ व्या चेंडूवर तो झेलबाद झाला. दुर्दैवाने त्याचे शतक अवघ्या ३ धावांनी हुकले असले, तरी तो आता ६८० धावांसह या हंगामात ‘ऑरेंज कॅप’च्या (Orange Cap) रेसमध्ये सर्वात अव्वल स्थानी पोहोचला आहे.