Virat Kohli record scoring 600 runs in 4 consecutive IPL seasons : आयपीएल २०२६ च्या अत्यंत हायव्होल्टेज ‘क्वालिफायर-१’ सामन्यात आरसीबीचा स्टार फलंदाज विराट कोहलीने गुजरात टायटन्सविरुद्ध २५ चेंडूंत ४३ धावांची महत्त्वपूर्ण खेळी खेळली. विराटला या सामन्यात अर्धशतक झळकावता आले नसले, तरी या खेळीदरम्यान त्याने क्रिकेट विश्वातील एक असा अवाढव्य आणि ऐतिहासिक महाविक्रम आपल्या नावावर केला आहे, जो आजवर आयपीएलच्या इतिहासात कोणालाही जमलेला नाही.

सलग ४ हंगामात ६०० पेक्षा जास्त धावा करण्याचा पराक्रम –

गुजरात टायटन्सविरुद्ध ४३ धावा करताच विराट कोहलीने चालू हंगामात आपल्या ६०० धावा पूर्ण केल्या. यासह विराट कोहली आयपीएलच्या सलग चार हंगामात ६०० पेक्षा जास्त धावा करणारा आयपीएल इतिहासामधील पहिला आणि एकमेव खेळाडू बनला आहे.

विराटची गेल्या चार वर्षांतील थक्क करणारी कामगिरी –

• • २०२३: ६३९ धावा
  • २०२४: ७४१ धावा
  • २०२५: ६५७ धावा
  • २०२६: ६००+ धावा (चालू हंगाम)

600+ runs for Virat Kohli in IPL 👇

2013: 634 runs
2016: 973 runs
2023: 639 runs
2024: 741 runs
2025: 657 runs
2026: 600* runs

📸: Shashi Shekhar Kashyap pic.twitter.com/jZQbDCkNSb

— Sportstar (@sportstarweb) May 26, 2026

एकूण विचार केला तर विराटने आयपीएलच्या इतिहासात तब्बल ६ वेळा ६०० हून अधिक धावा कुटल्या आहेत. या यादीत तो अव्वल स्थानी असून केएल राहुलने ४ वेळा तर शुबमन गिलने ३ वेळा अशी कामगिरी केली आहे.

हेही वाचा – Shresta Iyer Trolled : पंजाब बाहेर पडताच श्रेयसची बहीण होतेय ट्रोल! ऑफिसमध्ये फोन करून शिवीगाळ; श्रेष्ठाने केला खुलासा, पाहा VIDEO

आयपीएलच्या धावा टेस्ट क्रिकेटपेक्षाही जास्त!

या खेळीदरम्यान विराटच्या नावावर आणखी एक रंजक नोंद झाली. विराट कोहलीचे आता आयपीएलमधील एकूण धावा ह्या त्याच्या कसोटी (धावांपेक्षा जास्त झाल्या आहेत. विराटच्या नावावर टेस्ट क्रिकेटमध्ये ९,२३० धावा आहेत आणि आता आयपीएलमध्ये त्याने या आकड्याला मागे टाकले आहे.

हेही वाचा -Virat Travis Controversy : “हा सर्व प्रकार पाहून मला…”, विराटसोबतच्या वादानंतर ट्रॅव्हिसच्या कुटुंबाला शिवीगाळ; पत्नी जेसिकाचा खुलासा

जेसन होल्डरने विराटला केलं क्लीन बोल्ड –

RCB blaze to a mammoth total in Dharamsala! The highest score in a TATA IPL Playoffs match. 🚨

After Virat Kohli’s powerplay hitting, Rajat Patidar switched on the afterburners in the death overs. 💪

GT will have to pull off a record breaking chase in order to book a spot in… pic.twitter.com/ldsiHkOwjR

— Star Sports (@StarSportsIndia) May 26, 2026

विराट कोहली मैदानावर चांगलाच स्थिरावला होता, मात्र ९ व्या षटकात गुजरातच्या जेसन होल्डरने (Jason Holder) त्याला बोल्ड करत आरसीबीला मोठा धक्का दिला. होल्डरच्या शॉर्ट पिच चेंडूवर विराटने पुल शॉट मारण्याचा प्रयत्न केला, पण चेंडू त्याच्या बॅटची कडा घेऊन थेट यष्ट्यांवर जाऊन धडकला. आश्चर्याची गोष्ट म्हणजे, गुजरातविरुद्धच्या गेल्या सामन्यातही विराट अगदी याच पद्धतीने जेसन होल्डरच्याच चेंडूवर बाद झाला होता.