Hardik Pandya New Look With 12 Crore Ferrari 12 Cilindri Supercar Viral Photos Rehab At CoE : भारतीय क्रिकेट संघाचा स्टार अष्टपैलू हार्दिक पंड्या (Hardik Pandya) आपल्या लक्झरी जीवनशैली आणि नव्या लुकमुळे पुन्हा एकदा चर्चेत आला आहे. स्फोटक फलंदाजी आणि भेदक गोलंदाजीने सामने फिरवणारा हार्दिक सध्या दुखापतीमुळे मैदानाबाहेर असून बंगळुरू येथील बीसीसीआयच्या सेंटर ऑफ एक्सलन्स (CoE) मध्ये रिहॅब पूर्ण करत आहे. दरम्यान, सराव सत्रांनंतर हार्दिकचे नवीन कूल लूकमधील आणि त्याच्या आलिशान सुपरकारसोबतचे फोटो आणि व्हिडीओ सोशल मीडियावर तुफान व्हायरल झाले आहेत.

नवा अवतार अन् १२ कोटींची फेरारी ‘१२ सिलिंड्री’; हार्दिकचा स्वॅग!

सोशल मीडियावर समोर आलेल्या फोटो आणि व्हिडीओमध्ये हार्दिक पंड्या एका हटके आणि स्टायलिश लुकमध्ये दिसत आहे. सराव संपल्यानंतर तो आपल्या आलिशान फेरारी १२ सिलिंड्री (Ferrari 12Cilindri) कारजवळ उभा राहून पोझ देताना दिसला. भारतात या सुपरकारची किंमत तब्बल १२ कोटी रुपये असल्याचे सांगितले जाते. हार्दिकचे गाड्यांबद्दलचे वेड जगजाहीर असून, त्याचा हा नवा डॅशिंग अंदाज चाहत्यांच्या चांगलाच पसंतीस उतरला आहे.

अफगाणिस्तान आणि विंडीज मालिकेपूर्वी हार्दिकच्या फिटनेसची प्रतीक्षा –

Look at Hardik Pandya! After his practice session at COE Bengaluru, he walked towards his Ferrari, unlocked it, clicked a few photos as if seeing it for the first time, showed them to his physio, and then drove home. 🗿

Hardik Pandya enjoying life! 🏎️ pic.twitter.com/496WpGEijf

— Sonu (@Cricket_live247) August 30, 2026

भारतीय संघाला आगामी काळात १३ ते १७ सप्टेंबरदरम्यान अफगाणिस्तानविरुद्ध तीन सामन्यांची टी-२० मालिका खेळायची आहे. त्यानंतर ऑक्टोबरमध्ये वेस्ट इंडिजविरुद्ध एकदिवसीय मालिका होणार आहे. हे सामने पाहता क्रिकेट चाहते हार्दिकच्या पुनरागमनाची वाट पाहत आहेत. मात्र, बीसीसीआयची वैद्यकीय टीम त्याच्या वर्कलोडवर बारीक लक्ष ठेवून असून तो पूर्णपणे तंदुरुस्त झाल्यानंतरच मैदानात उतरेल.

हेही वाचा – Imam Ul Haq Controversy : २ सोपे कॅच सोडले अन् लगेच दुखापतीचे ढोंग? इमाम-उल-हकची स्टुअर्ट ब्रॉडने उडवली खिल्ली; VIDEO व्हायरल

वर्ल्डकप २०२७ च्या रणनीतीत हार्दिक पंड्याची भूमिका अत्यंत महत्त्वाची –

Hardik Pandya spotted at the Duleep Trophy semi-final between Central Zone and East Zone in Bengaluru. ✨#HardikPandya #DuleepTrophy #Bengaluru #IndianCricket #Cricket pic.twitter.com/ZzrxmfzcJt

— The Daily Jagran (@TheDailyJagran) August 31, 2026

२०२७ मध्ये होणाऱ्या एकदिवसीय विश्वचषकाच्या दृष्टीने हार्दिकचा फिटनेस टीम इंडियासाठी निर्णायक ठरणार आहे. मर्यादित षटकांच्या क्रिकेटमध्ये संघाचे संतुलन राखण्यासाठी त्याच्यासारख्या जलदगती गोलंदाजी करणाऱ्या अष्टपैलू खेळाडूची भारताला नितांत गरज आहे. त्यामुळे मैदानावरील पुनरागमनापूर्वी हार्दिकचा हा ‘रॉयल’ अंदाज चाहत्यांमध्ये मोठा चर्चेचा विषय ठरला आहे.