Imam Ul Haq Injury Drama Allegations Stuart Broad Controversy Lords Test ENG vs PAK : लॉर्ड्सच्या ऐतिहासिक मैदानावर इंग्लंड आणि पाकिस्तान यांच्यात खेळल्या गेलेल्या दुसऱ्या कसोटी सामन्यादरम्यान पाकिस्तानचा सलामीवीर इमाम-उल-हक (Imam-ul-Haq) आपल्या दुखापतीवरून नव्या वादात सापडला आहे. इंग्लंडचा माजी दिग्गज वेगवान गोलंदाज स्टुअर्ट ब्रॉडने (Stuart Broad) इमामच्या वागणुकीवर तीव्र संताप व्यक्त केला आहे. सामन्यात महत्त्वाचे झेल सोडल्यानंतर दुखापतीचे कारण पुढे करून बाहेर बसणे आणि नंतर कॅमेऱ्यासमोर लंगडत सराव करणे हा केवळ लोकांची सहानुभूती मिळवण्यासाठी केलेला ‘ड्रामा’ असल्याचा थेट आरोप ब्रॉडने केला आहे.

दोन महत्त्वाचे झेल सोडले अन् दुखापतीचे कारण देत मैदानाबाहेर!

सामन्याच्या पहिल्या दिवशी क्षेत्ररक्षण करताना इमाम-उल-हकने इंग्लंडच्या फलंदाजांचे दोन अत्यंत सोपे आणि महत्त्वाचे झेल सोडले होते. यानंतर लगेचच त्याने डाव्या पायाला ताण आल्याची तक्रार केली आणि तो मैदानाबाहेर गेला. पाकिस्तानच्या वैद्यकीय पथकाने तपासणीनंतर त्याला संपूर्ण कसोटी सामन्यातून बाहेर घोषित केले. एका प्रमुख फलंदाजाच्या अनुपस्थितीमुळे पाकिस्तानला हा कसोटी सामना केवळ १० खेळाडूंच्या फलंदाजीसह खेळावा लागला, ज्याचा मोठा फटका संघाच्या संतुलनाला बसला.

चौथ्या दिवशी पट्ट्या बांधून लंगडत सराव; स्टुअर्ट ब्रॉडने सुनावले खडे बोल –

Stuart Broad took Imam-ul-Haq to the absolute cleaners. He deserves every bit of it. pic.twitter.com/vvtJqXz436

— Sheri. (@CallMeSheri1_) August 30, 2026

वादाला खरी सुरुवात सामन्याच्या चौथ्या दिवशी झाली. इमाम पायाला पट्ट्या बांधून मैदानाच्या कडेला कॅमेऱ्यांसमोर लंगडत फलंदाजीचा सराव करताना दिसला. स्काय स्पोर्ट्सवर कॉमेंट्री करताना स्टुअर्ट ब्रॉड म्हणाला, “हे सर्व केवळ जगाला दाखवण्यासाठी चालले आहे. झेल सोडल्यामुळे संघ सहकाऱ्यांकडून आणि मीडियाकडून टीका झाल्याने तो हे नाटक करत आहे. जर खरोखरच सराव करायचा होता, तर तो कोणाच्याही नजरेस न पडता इनडोअर नेट्समध्ये करू शकला असता. हाफ पॅन्ट घालून कॅमेऱ्यांसमोर लंगडण्याचे ढोंग करण्याची गरज नव्हती.” ऑस्ट्रेलियाचा माजी सलामीवीर डेव्हिड वॉर्नरनेही ब्रॉडच्या या वक्तव्याचे समर्थन केले.

हेही वाचा – Tilak Varma Century : ८० धावांत निम्मा संघ गारद, पण कर्णधार ढाल बनून उभा राहिला! तिलक वर्माच्या दमदार शतकाने संघाला सावरलं

मोहम्मद वसीम यांचा जुना दावा पुन्हा चर्चेत; इमामवर आधीही झाले होते आरोप –

इमामच्या दुखापतीवरून वाद होण्याची ही पहिलीच वेळ नाही. या वादानंतर पाकिस्तानचे माजी मुख्य निवडकर्ते मोहम्मद वसीम यांचे २०२२ मधील एक खळबळजनक वक्तव्य पुन्हा समोर आले आहे. २०२२ च्या घरच्या कसोटी मालिकेदरम्यान टीमच्या फिजिओने अधिकृत घोषणेपूर्वीच इमामच्या कथित दुखापतीच्या नाटकाबाबत आपल्याला सावध केले होते, असा दावा वसीम यांनी केला होता. भूतकाळातही अनेक प्रशिक्षकांनी इमामच्या अशा गैरवर्तणुकीबाबत तक्रारी केल्याचे समोर आल्याने पाकिस्तान क्रिकेटमधील अंतर्गत कलह पुन्हा एकदा चव्हाट्यावर आला आहे.