Virat Kohli Travis Head Controversy : आयपीएल २०२६ मधील रॉयल चॅलेंजर्स बंगळुरु आणि सनरायझर्स हैदराबाद यांच्यातील सामन्यात विराट कोहली आणि ट्रेव्हिस हेड यांच्यात झालेली मैदानातील शाब्दिक चकमक आता एका मोठ्या वादात बदलली आहे. या वादाचे पडसाद सोशल मीडियावर उमटले असून ऑस्ट्रेलियन फलंदाज ट्रेव्हिस हेडच्या कुटुंबाला भारतीय ट्रोलर्सकडून अतोनात मानसिक त्रासाला सामोरे जावे लागत आहे. हेडची पत्नी जेसिका हेड हिने एका मुलाखतीत खळबळजनक खुलासा केला आहे. असून, तिला आणि तिच्या संपूर्ण कुटुंबाला ऑनलाईन शिवीगाळ आणि अश्लील ट्रोलिंगचा सामना करावा लागत असल्याचे सांगितले आहे.

“२०२३ च्या वर्ल्ड कप फायनलनंतर घडलं होतं, तसंच आज घडतंय!”

जेसिका हेडने  तिला आणि तिच्या संपूर्ण कुटुंबाला ऑनलाईन शिवीगाळ आणि अश्लील ट्रोलिंगचा सामना करावा लागत असल्याचे सांगितले आहे. तसेच तिने ऑस्ट्रेलियातील प्रसिद्ध मीडिया आउटलेट ‘द अ‍ॅडव्हर्टायझर’शी बोलताना आपला संताप आणि दुःख व्यक्त केले. जेसिका म्हणाली, “हा सर्व प्रकार पाहून मला २०२३ च्या एकदिवसीय विश्वचषक फायनलनंतरच्या भयानक काळाची आठवण झाली, जेव्हा ट्रेव्हिसने अहमदाबादमध्ये भारताच्या विरोधात १३७ धावांची मॅचविनिंग खेळी खेळली होती. आज मी सकाळी उठले, तेव्हा माझ्या सोशल मीडिया अकाउंट्सवर शिवीगाळ करणाऱ्या मेसेजेसचा पूर आला होता. ”

🚨 TRAVIS HEAD WIFE SLAMS JESSICA HEAD SLAMS VIRAT KOHLI FAN’S 🚨

Jessica Head Said 🗣️,

“Ever since the RCB vs Hyderabad match, Indian fans, especially Bangalore fans, have been abusing me. Not just me, they are also messaging several members of my family with abusive… pic.twitter.com/c7AKAaiKRO

— lndian Sports Netwrk (@IS_Netwrk29) May 25, 2026

खेळाडूंच्या मानसिक आरोग्यावर बोलताना जेसिकाने पुढे सांगितले की, ” आम्ही ठीक आहोत, पण ट्रोलर्स आता माझ्या मित्रांना आणि कुटुंबालाही लक्ष्य करत आहेत, जे अत्यंत चुकीचे आहे. खेळात खेळाडूंमागे आणि त्यांच्या कुटुंबामागे एक सामान्य माणूस असतो, हे लोकांनी विसरू नये. सोशल मीडियावर एकमेकांशी बोलताना दयाळूपणा आणि चांगला दृष्टिकोन ठेवणे गरजेचे आहे.”

हेही वाचा – Riyan Parag Video : “आम्ही काय फिल्मस्टार नाही भाऊ!” पापाराझींसमोरील रियानचा अ‍ॅटिट्यूड पाहून वैभवची रिअ‍ॅक्शन होतेय व्हायरल

मैदानात नक्की काय घडलं होतं? विराट आणि हेड आमनेसामने!

हा संपूर्ण वाद आरसीबी आणि हैदराबाद यांच्यातील सामन्यादरम्यान सुरू झाला. हैदराबादचे फलंदाज वेगाने धावा कुटत असताना, ट्रॅव्हिस हेड बाद झाल्यानंतर विराटने आक्रमक सेलिब्रेशन केले होत. त्यानंतर विराट कोहली संथ फलंदाजी करत असताना ट्रॅव्हिस हेडने त्याला आक्रमक खेळण्यासाठी डिवचले होते. त्यानंतर विराटने प्रत्युत्तरात ट्रॅव्हिसला गोलंदाजी करण्याचे आव्हान केले. यानंतर ट्रॅव्हिस हेड जेव्हा स्वतः गोलंदाजीला आला, तेव्हा त्याने आरसीबीचा महत्त्वाचा फलंदाज रजत पाटीदारला बाद करून सामन्याला कलाटणी दिली. मात्र, जेव्हा सामना संपला आणि सर्व खेळाडू एकमेकांशी हस्तांदोलन करत होते, तेव्हा विराटने ट्रॅव्हिसशी हस्तांदोलन करणं टाळलं आणि वाद पेटला.