Vaibhav Sooryavanshi Diet Plan Training Routine : आजकालच्या डिजिटल युगात तरुण पिढी जंक फूड आणि स्क्रीन टाईमच्या विळख्यात अडकलेली असताना, वयाच्या अवघ्या १५ व्या वर्षी कमालीची शिस्त आणि आंतरराष्ट्रीय दर्जाची फिटनेस राखणे अजिबात सोपे नाही. मात्र, आयपीएल २०२६ मध्ये आपल्या स्फोटक फलंदाजीने जगातील दिग्गज गोलंदाजांची पिसं काढणाऱ्या राजस्थान रॉयल्सच्या वैभव सूर्यवंशीने आपल्या कडक फिटनेसनेही क्रीडा विश्वाचे लक्ष वेधून घेतले आहे.

फिटनेससाठी मटन आणि पिझ्झाचा त्याग!

मैदानावर एकाच हंगामात सर्वाधिक ६५ षटकार ठोकणाऱ्या वैभवच्या या अवाढव्य ताकदीमागे केवळ टॅलेंट नसून, त्याचे कडक डाएट आणि खडतर ट्रेनिंग रुटीन आहे. वैभवचे लहानपणचे प्रशिक्षक मनोज ओझा यांनी त्याच्या बालपणातील सवयींबद्दल बोलताना सांगितले की, वैभवला मटन आणि पिझ्झा खायला प्रचंड आवडायचे. मात्र, वाढते वजन नियंत्रित ठेवण्यासाठी आणि क्रिकेटमध्ये सर्वोत्तम कामगिरी करण्यासाठी त्याने या दोन्ही आवडीच्या गोष्टींवर स्वतःहून पूर्णपणे फुली मारली आहे.

तसेच, वैभवचे वडील संजीव सूर्यवंशी यांनी एका मुलाखतीत उघड केले की, शरीर हलके आणि फिट ठेवण्यासाठी वैभवने बिहारचा अत्यंत लोकप्रिय पदार्थ ‘लिट्टी-चोखा’ खाणेही आता मर्यादित केले आहे. तो कोणत्याही विदेशी डाएट किंवा महागड्या सप्लीमेंट्सवर अवलंबून नसून, त्याची खरी ताकद घरच्या साध्या, पौष्टिक अन्नातून येते.

Is this what you call manifestation?#VaibhavSooryavanshi up with his usual routine ahead of the #GTvsRR Qualifier 2 clash

Is Mullanpur getting another fireshow from the 15-year-old?pic.twitter.com/hKCr83yoNB

— India Today Sports (@ITGDsports) May 29, 2026

कसा आहे वैभव सूर्यवंशीचा डाएट प्लॅन?

🚨 EMOTIONAL STATEMENT BY VAIBHAV SURYAVANSHI 🚨

Vaibhav Sooryavanshi Said 🗣️,

“Everything is because of my father.
From childhood, he made me practice so much seriously, so much, that now if I don’t practice for even one day, it feels like life has slowed down. Maximum I take… pic.twitter.com/KZt9ALNGsy

— lndian Sports Netwrk (@IS_Netwrk29) May 29, 2026

रिपोर्ट्सनुसार, वैभवचा रोजचा आहार एका स्पोर्ट्स न्यूट्रिशनिस्टच्या सल्ल्यानुसार तयार केला जातो, ज्यामध्ये हाय-प्रोटिन आणि हायड्रेशनला प्राधान्य दिले जाते:

• सकाळचा नाश्ता: अंडी आणि ओट्स.
• प्रोटिनसाठी: डाळी, पनीर आणि ग्रिल्ड चिकन.
• कार्बोहायड्रेट्स: ब्राऊन राइस आणि विविध तृणधान्ये.
• काय टाळतो?: तळलेले पदार्थ आणि अति-गोड खाणे तो पूर्णपणे टाळतो, जेणेकरून शरीरात अतिरिक्त फॅट जमा होणार नाही आणि मैदानावरील स्टॅमिना टिकून राहील.

हेही वाचा – Ravichandran Ashwin Advice : “त्याला दृष्ट लागण्यापासून वाचवावं…!”वैभव सूर्यवंशीची परिपक्वता पाहून अश्विन थक्क; पालकांना दिला मोलाचा सल्ला

घराशेजारीच उभारले नेट; रोज तासनतास कडक ट्रेनिंग –

डाएटसोबतच वैभवचे मैदानाबाहेरील ट्रेनिंग शेड्युलही अत्यंत कडक आहे. त्याच्या रोजच्या व्यायामामध्ये धावणे (रनिंग), स्ट्रेंथ एक्सरसाइज आणि जिम वर्कआउटचा समावेश असतो. वैभवच्या सरावात कोणताही खंड पडू नये, म्हणून त्याच्या कुटुंबीयांनी घराशेजारीच खास प्रॅक्टिस नेट तयार करून घेतले आहे, जिथे तो रोज अनेक तास घाम गाळतो. हीच सातत्यपूर्ण मेहनत आणि जिद्द आज त्याच्या फलंदाजीत स्पष्टपणे दिसून येत आहे.