Political News : लोकसभा निवडणुकीच्या काळापासून सुरू झालेली भाजपमधील इनकमिंग देशभरात (Political News) चर्चेचा विषय ठरली होती. महाराष्ट्रासह अनेक राज्यांत विरोधी पक्षांचे मातब्बर नेते महायुती आणि भाजपच्या गळाला लागले. मात्र, सतत धक्के देणाऱ्या भाजपला आता उत्तर प्रदेशात काँग्रेसने सर्वात मोठा अनपेक्षित झटका दिला आहे.

आगामी विधानसभा निवडणुका तोंडावर असताना उत्तर प्रदेशच्या राजकारणात (Political News) मोठा राजकीय भूकंप घडला असून, भाजपचे ज्येष्ठ नेते आणि माजी आमदार हिरा ठाकूर यांनी भाजपला ‘रामराम’ ठोकत काँग्रेसचा हात हाती घेतला आहे.

नवी दिल्लीत काँग्रेसच्या वरिष्ठ नेत्यांच्या उपस्थितीत हा पक्षप्रवेश पार पडला. काँग्रेसचे उत्तर प्रदेश प्रभारी राजेंद्र पाल गौतम, ओबीसी विभागाचे राष्ट्रीय अध्यक्ष अनिल जयहिंद आणि खासदार राकेश राठोड यांनी हिरा ठाकूर यांचे पक्षात स्वागत केले.

भाजप सोडण्यामागचे कारण स्पष्ट करताना हिरा ठाकूर यांनी सत्ताधाऱ्यांवर गंभीर आरोप केले. जातनिहाय जनगणनेच्या मुद्द्यावर अनुसूचित जाती, जमाती आणि मागास घटकांची फसवणूक झाल्याचा दावा त्यांनी केला.

काँग्रेसमध्ये प्रवेश करताच (Political News) त्यांनी जननायक कर्पूरी ठाकूर यांचे स्मरण करत, देशात मागासवर्गीयांना आरक्षण मिळवून देणाऱ्या विचारसरणीची आज देशाला खरी गरज असल्याचे सांगितले. तसेच आरक्षणाच्या सीमा आणि जातनिहाय जनगणनेबाबत काँग्रेस नेते राहुल गांधी यांनी घेतलेल्या आक्रमक भूमिकेचे त्यांनी जोरदार समर्थन केले.

ओबीसी विभागाचे अध्यक्ष अनिल जयहिंद यांनीही भाजपवर हल्लाबोल करत, भाजप सरकारने मागास घटकांचा केवळ मतांसाठी वापर करून त्यांचा विश्वासघात केल्याचा आरोप केला.

तब्बल १२ वर्षे विधान परिषदेचे सदस्य राहिलेले हिरा ठाकूर हे उत्तर प्रदेशच्या मागासवर्गीय राजकारणातील वजनदार नाव मानले जाते. त्यांनी उत्तर प्रदेश राज्य मागास वर्ग आयोगाचे उपाध्यक्षपद भूषवले असून त्यांना राज्यमंत्री पदाचा दर्जाही मिळाला होता.

मागास घटकांच्या हक्कांसाठी आक्रमक आंदोलने छेडणारे नेते म्हणून त्यांची ओळख आहे. तसेच ते ‘राष्ट्रीय कर्पूरी ठाकूर विचार मंच’ या संघटनेच्या माध्यमातून तळागाळात सक्रिय आहेत. त्यामुळे निवडणुकीच्या उंबरठ्यावर हिरा ठाकूर यांचा काँग्रेसप्रवेश (Political News) हा उत्तर प्रदेशात भाजपसाठी मोठा राजकीय धक्का मानला जात आहे.