Uddhav Thackeray : मराठवाड्यातील विकासकामांच्या अंमलबजावणीत होत असलेल्या विलंबावरून ठाकरेसेना पक्षप्रमुख उद्धव ठाकरे यांनी गुरुवारी राज्यातील भाजप नेतृत्वाखालील सरकारवर टीका केली. तसेच, या भागातील समस्यांवर बोलण्याचे धाडस सत्ताधारी पक्षांमध्ये नसल्याचा आरोपही त्यांनी केला. (Uddhav Thackeray)

छत्रपती संभाजीनगर येथे आयोजित एका कार्यक्रमात बोलताना त्यांनी शेतकरी आणि पिकांच्या नुकसानाशी संबंधित मुद्दे उपस्थित केले. तसेच, राज्यातील दुष्काळसदृश परिस्थितीमुळे बाधित झालेल्या शेतकऱ्यांसाठी दिलासा देण्याची मागणी केली. (Uddhav Thackeray)

मराठवाड्याचा विकास: तुमच्याकडून हे होणार नाही या शीर्षकाच्या पक्ष्याच्या कार्यक्रमाला ठाकरे संबोधित करत होते. हा कार्यक्रम मराठवाडा मुक्ती दिनानिमित्त आयोजित करण्यात आला होता. ठाकरे म्हणाले, महायुती सरकार पिकांचे नुकसान झालेल्या शेतकऱ्यांना पुरेशी मदत देण्यात अपयशी ठरले आहे. (Uddhav Thackeray)

मराठवाड्याचा विकासाचा अनुशेष ६०,००० कोटी रुपयांपर्यंत वाढला असल्याचा दावा त्यांनी केला. पंतप्रधान नरेंद्र मोदी यांच्या वाढदिवशी नवी दिल्लीला दिलेल्या भेटीवरून ठाकरे यांनी मुख्यमंत्री देवेंद्र फडणवीस यांच्यावर टीका केली. (Uddhav Thackeray)

पंतप्रधान मोदींचा वाढदिवस साजरा करण्यासाठी मुख्यमंत्री दिल्लीला गेले होते. सत्ताधारी पक्षांच्या गटात सामील झालेले खासदार किंवा खुद्द त्यांचेच आमदार आणि खासदार यांच्यातही येथील रखडलेल्या विकासाबाबत आवाज उठवण्याचे धाडस नाही. (Uddhav Thackeray)

मात्र, मराठवाड्याला संघर्षाचा वारसा लाभला आहे. सरदार वल्लभभाई पटेल यांनी निजामशाहीतून मुक्त करण्यासाठी या भागात सैन्य पाठवले होते; याउलट, निवडणुका जिंकण्यासाठी भाजपने पश्चिम बंगालमध्ये फौजफाटा तैनात केला, कारण पाकिस्तानव्याप्त काश्मीरमध्ये तसे करण्याचे धाडस त्यांच्यात नाही, असे त्यांनी नमूद केले. (Uddhav Thackeray)

मोदींच्या वाढदिवसानिमित्त दिलेल्या जाहिरातींवरून त्यांनी उपमुख्यमंत्री एकनाथ शिंदे यांच्यावर टीका केली. शिंदे यांनी पंतप्रधानांच्या वाढदिवसानिमित्त जाहिराती दिल्या. त्याऐवजी, जाहिरातींवर खर्च केलेली ती रक्कम त्यांनी मराठवाड्याच्या विकासासाठी वापरायला हवी होती. (Uddhav Thackeray)

दुष्काळविषयक समस्या हाताळण्याच्या पद्धतीवरून सरकारवर टीका केली. कर्नाटक सरकारने २७ ऑगस्ट रोजीच आपल्या राज्यात दुष्काळ जाहीर केला आणि त्यानुसार कामही सुरू केले. (Uddhav Thackeray)

मात्र, येथील राज्यकर्त्यांनी जणू काही पंचांग पाहिले आणि दुष्काळ जाहीर करण्यासाठी ५ ऑक्टोबर ही तारीख निश्चित केली. त्यांना शेतकऱ्यांशी काहीही देणेघेणे नाही. गेल्या वर्षी सप्टेंबरमध्येही अतिवृष्टी झाली होती, पण संकटात सापडलेल्या शेतकऱ्यांच्या हाती काहीच पडले नाही, असे ठाकरे म्हणाले. (Uddhav Thackeray)

Uddhav Thackeray : उद्धव ठाकरे पुढच्या वर्षी मुख्यमंत्री होणार? बड्या नेत्याच्या दाव्याने राजकारणात खळबळ

Uddhav Thackeray : उद्धव ठाकरेंना मोठा धक्का ! कोर्टाने ‘ती’ महत्वपूर्ण याचिका फेटाळली