Udayanraje Bhosale – सातारा जिल्हा संपर्क दौर्‍यांतर्गत खा. उदयनराजे भोसले यांनी शनिवारी सायंकाळी येथील शहर व परिसरातील पदाधिकारी, कार्यकर्ते, उद्योजक, व्यावसायिक, व्यापारी तसेच वैद्यकीय क्षेत्रातील मान्यवरांशी संवाद साधताना कोरेगाव शहर, तालुका तसेच विधानसभा मतदारसंघातील सर्वसामान्य जनतेच्या समस्या प्राधान्यक्रमाने सोडविल्या जातील, अशी ग्वाही दिली.

यावेळी खासदार उदयनराजे भोसले यांचे जल्लोषात स्वागत करण्यात आले. यावेळी जयवंत पवार, संतोष पवार व संपूर्ण पवार कुटुंबीयांच्या वतीने शाल व श्रीफळ देऊन त्यांचा विशेष सत्कार करण्यात आला. जलमंदिर पॅलेस येथे दररोज जनता दरबार आयोजित केला जात असून, या दरबारात येणार्‍या प्रत्येक नागरिकाची समस्या ऐकून घेतली जाते व त्याला न्याय देण्यासाठी प्रयत्न केले जातात, सर्वसामान्य जनतेचे प्रश्न सोडविण्यासाठी आजपर्यंत अहोरात्र परिश्रम घेतले असून,

यापुढेही जनतेच्या समस्या सोडविण्यासाठी सातत्याने प्रयत्नशील राहू, असा शब्द खासदार उदयनराजे भोसले यांनी यावेळी दिला. माजी उपनगराध्यक्ष जयवंत पवार यांच्या निवासस्थानी आयोजित या संवाद कार्यक्रमास जिल्हा परिषदेच्या अध्यक्षा डॉ. सौ. प्रिया शिंदे, भाजपचे सातारा लोकसभा मतदारसंघाचे संयोजक सुनील काटकर, प्रतापगड विकास प्राधिकरणाचे सदस्य काका धुमाळ, डॉ. रमेश पाटील,

सातारा जिल्हा मध्यवर्ती सहकारी बँकेचे संचालक सुनील खत्री, जिल्हा नियोजन समितीचे सदस्य राहुल प्रकाश बर्गे, जि. प. सदस्य हणमंतराव जगदाळे, रत्नदीप फाळके, माजी सदस्य किरण बर्गे, माजी नगरसेवक महेश साहेबराव बर्गे, सचिनभैया बर्गे, माजी उपनगराध्यक्ष सुनील बर्गे, उपनगराध्यक्ष राहुल बर्गे यांच्यासह नगरसेवक राजेंद्र वैराट बच्चूशेठ ओसवाल, श्रावण जंगम, आजी-माजी नगरसेवक व पदाधिकारी उपस्थित होते.