Maharashtra Politics : राज्यात सध्या राजकीय घडामोडींना वेग आला असून ठाकरे गटातील काही खासदार एकनाथ शिंदे यांच्या शिवसेनेच्या संपर्कात असल्याच्या चर्चांना पुन्हा जोर आला आहे. ‘ऑपरेशन टायगर’च्या चर्चांदरम्यान आता ठाकरे गटाचे खासदार भाऊसाहेब वाकचौरे यांनी मंत्री उदय सामंत यांची भेट घेतल्याची माहिती समोर आली आहे. (Maharashtra Politics)

मिळालेल्या माहितीनुसार, शिर्डी लोकसभा मतदारसंघाचे खासदार भाऊसाहेब वाकचौरे यांनी उदय सामंत यांची भेट घेतली. सामंत हे मुख्यमंत्री एकनाथ शिंदे यांच्या निकटवर्तीय नेत्यांपैकी एक मानले जातात. त्यामुळे या भेटीनंतर राजकीय वर्तुळात विविध चर्चांना उधाण आले आहे. (Maharashtra Politics)

आधीही ठाकरे गटातील खासदारांच्या भेटी चर्चेत

यापूर्वी हिंगोलीचे खासदार नागेश पाटील आष्टीकर यांनीही एकनाथ शिंदे यांची भेट घेतली होती. तसेच ठाकरे गटाचे खासदार संजय दीना पाटील आणि एकनाथ शिंदे एकाच गाडीतून प्रवास करताना दिसल्याने राजकीय चर्चांना उधाण आले होते. या सर्व भेटींमुळे ठाकरे गटातील काही खासदार शिंदे गटाच्या संपर्कात असल्याच्या चर्चांना अधिक बळ मिळत आहे. (Maharashtra Politics)

‘ऑपरेशन टायगर’ची पुन्हा चर्चा

काही दिवसांपूर्वी ठाकरे गटातील सहा खासदार शिंदे गटाच्या संपर्कात असल्याचा दावा करण्यात आला होता. त्यावेळी ‘ऑपरेशन टायगर’ची जोरदार चर्चा रंगली होती. मात्र नंतर एकनाथ शिंदे यांनी अशा कोणत्याही राजकीय मोहिमेला दुजोरा दिला नव्हता. (Maharashtra Politics)

तरीही सातत्याने होत असलेल्या गाठीभेटींमुळे भविष्यात ठाकरे गटाला आणखी धक्के बसणार का? काही खासदार शिंदे गटात प्रवेश करणार का? याबाबतच्या चर्चांना पुन्हा उधाण आले आहे. (Maharashtra Politics)