Smriti Mandhana Takes Over Full-Time India Women Captaincy Ahead of Zimbabwe T20I Series : भारतीय महिला क्रिकेट संघाच्या पूर्णवेळ कर्णधारपदाची मोठी जबाबदारी आता भारताची स्टार सलामीवीर स्मृती मानधना हिच्या खांद्यावर सोपवण्यात आली आहे. आशियाई क्रीडा स्पर्धेत भारतीय संघाने सुवर्णपदक जिंकल्यानंतरच बीसीसीआयने हा महत्त्वाचा निर्णय घेतला होता. यापूर्वी हरमनप्रीत कौरच्या अनुपस्थितीत स्मृतीने अनेकदा कार्यवाहू कर्णधारपद सांभाळले होते; मात्र आता ती पूर्णवेळ कर्णधार म्हणून सूत्रे हाती घेणार आहे. स्मृतीच्या या नव्या प्रवासाची सुरुवात १६ ऑक्टोबरपासून झिम्बाब्वे महिला संघाविरुद्ध होणाऱ्या तीन सामन्यांच्या टी-२० मालिकेने होत असून, मालिकेपूर्वी तिने संघाच्या भविष्याबाबत अत्यंत महत्त्वाचे विधान केले आहे.

चॅम्पियन्स ट्रॉफीपूर्वी टी-२० मध्ये सुधारणेची गरज; स्मृतीचे स्पष्ट मत

पुढील काही महिने भारतीय महिला संघासाठी आणि स्मृतीच्या नेतृत्वासाठी अत्यंत निर्णायक ठरणार आहेत, कारण २०२७ च्या सुरुवातीला भारतामध्येच पहिली महिला आयसीसी चॅम्पियन्स ट्रॉफी स्पर्धा खेळवली जाणार आहे. या महत्त्वाच्या स्पर्धेपूर्वी संघाकडे तयारीसाठी मोजकेच सामने उपलब्ध आहेत. स्मृतीने सांगितले की, चॅम्पियन्स ट्रॉफीच्या आधी आमच्याकडे अवघे सहा टी-२० सामने उरले आहेत. त्यामुळे पुढील तीन महिन्यांत संघ म्हणून आम्हाला कोणत्या स्तरावर पोहोचायचे आहे, याचे स्पष्ट नियोजन करावे लागेल.

वनडे वर्ल्ड कप जिंकला तरी टी-२० मध्ये अजून काम बाकी –

Leadership, experience, vision, and a brand new chapter 📝✨

​#𝐓𝐞𝐚𝐦𝐈𝐧𝐝𝐢𝐚 𝐬𝐤𝐢𝐩𝐩𝐞𝐫 𝐒𝐦𝐫𝐢𝐭𝐢 𝐌𝐚𝐧𝐝𝐡𝐚𝐧𝐚 𝐭𝐚𝐤𝐞𝐬 𝐠𝐮𝐚𝐫𝐝 🫡🇮🇳 – by @jigsactin

​ @mandhana_smriti | #INDvZIM | @mflone_

Full Interview ▶️ https://t.co/Plw5jXWnmu

— BCCI Women (@BCCIWomen) October 15, 2026

स्मृतीने पत्रकार परिषदेत बोलताना स्पष्ट केले की, गेल्या दीड वर्षात संघाने एकदिवसीय विश्वचषक जिंकून मोठी ऐतिहासिक कामगिरी केली आहे. तरीही टी-२० या झटपट प्रकारात अजूनही अनेक अशा गोष्टी आहेत ज्यांच्यावर आपल्याला विशेष मेहनत घेण्याची गरज आहे. चॅम्पियन्स ट्रॉफीसारख्या मोठ्या स्पर्धेत विजेतेपदावर नाव कोरायचे असेल, तर टी-२० प्रकारातील त्रुटी लवकरात लवकर दूर कराव्या लागतील, असा निर्धार तिने व्यक्त केला.

हेही वाचा – Bumrah Misses ODIs : टी-२० नंतर आता वनडेतूनही बुमराह बाहेर? न्यूझीलंड दौऱ्याआधी बीसीसीआयने आखला मोठा मास्टर प्लॅन!

झिम्बाब्वेविरुद्ध पहिल्यांदाच द्विपक्षीय मालिका; विरोधी संघाचे कौतुक

New responsibility, same fearless approach 🫡

🎥 @mandhana_smriti addresses the media in her first press conference as #TeamIndia’s full-time captain 🗣️

#INDvZIM | @mflone_ https://t.co/u3s5zRnIOr

— BCCI Women (@BCCIWomen) October 14, 2026

भारतीय महिला संघ कोणत्याही क्रिकेट प्रकारात पहिल्यांदाच झिम्बाब्वेविरुद्ध द्विपक्षीय मालिका खेळणार आहे. या ऐतिहासिक मालिकेबद्दल बोलताना स्मृती म्हणाली की, पहिल्यांदाच या संघाशी आमनासामना होत असल्याने ही मालिका अत्यंत रोमांचक ठरेल. झिम्बाब्वे किंवा इतर असोसिएट देशांविरुद्ध खेळताना त्यांच्याकडूनही अनेक चांगल्या गोष्टी शिकायला मिळतात, कारण हे खेळाडू कोणताही दबाव न घेता अत्यंत उत्साहाने आणि खेळाचा आनंद घेत मैदानावर उतरतात.