MS Dhoni Rishabh Pant Hookah Viral Video Controversy Fans Divided : भारतीय क्रिकेट संघाचा माजी कर्णधार महेंद्रसिंग धोनी (MS Dhoni) आणि स्टार यष्टिरक्षक फलंदाज ऋषभ पंत (Rishabh Pant) यांचा एक खाजगी व्हिडीओ सध्या सोशल मीडियावर वाऱ्यासारखा व्हायरल होत आहे. काही महिन्यांपूर्वी धोनीचा हुक्का ओढतानाचा व्हिडीओ समोर आल्यानंतर आता पुन्हा एकदा धोनी हुक्क्याच्या उल्लेखावरून चर्चेच्या केंद्रस्थानी आला आहे. या ताज्या व्हिडिओमध्ये धोनी चक्क “मी हुक्का ओढून येतो…”, असे बोलताना स्पष्ट ऐकू येत असल्याने क्रीडाप्रेमींमध्ये आणि नेटकऱ्यांमध्ये जोरदार चर्चा रंगली आहे.

पंतच्या हातावर अंगठी अन् ‘त्या’ व्यक्तीच्या पाया पडून धोनी म्हणाला…

व्हायरल झालेला व्हिडीओ नेमका कुठला आणि कधीचा आहे, याबाबत अद्याप अधिकृत माहिती मिळालेली नाही. व्हिडिओमध्ये धोनी, पंत आणि त्यांचे काही निकटवर्तीय एका आलिशान खोलीत निवांत क्षण घालवताना दिसत आहेत. सोफ्यावर झोपलेल्या पंतला धोनी आपल्या हातातील अंगठी काढून देताना दिसतो. त्यानंतर खोलीतून बाहेर पडताना पंत धोनीला हाक मारतो. धोनी परत येतो, पंतजवळ बसलेल्या एका ज्येष्ठ व्यक्तीच्या आदराने पाया पडतो आणि “दादा, मी हुक्का ओढून येतो…”, असे हसत सांगून निघून जातो.

Rishabh Pant & MS Dhoni drinking beer worth more than 12 crore 🥶

During eng vs india last odi game rishabh pant sponsored a super luxury house party for dhoni and his villagers friends and served beer and wine worth more than 12 crores ❤️🔥 pic.twitter.com/7FsXpZ8mn8

— Ansh  (@159atsydney_) September 2, 2026

जॉर्ज बेलीचा जुना खुलासा पुन्हा चर्चेत; आधीही उडाली होती खळबळ!

धोनीच्या हुक्का ओढण्याबाबत चर्चा होण्याची ही पहिलीच वेळ नाही. यापूर्वी एका पार्टीत धोनी हुक्का ओढताना कॅमेऱ्यात कैद झाला होता. शिवाय, ऑस्ट्रेलियन क्रिकेटपटू आणि सीएसकेचा माजी सहकारी जॉर्ज बेलीनेही एका मुलाखतीत खुलासा केला होता की, धोनी अनेकदा युवा खेळाडूंशी मनमोकळा संवाद साधण्यासाठी आपल्या खोलीत हुक्का सेटअप ठेवायचा. मात्र, आंतरराष्ट्रीय स्तरावर इतका मोठा आदर्श असलेल्या खेळाडूच्या तोंडून अशा सवयीचा उल्लेख आल्याने अनेकांनी आश्चर्य व्यक्त केले आहे.

हेही वाचा – Rohit Sharma Future : बीसीसीआयच्या बैठकीनंतर हिटमॅनच्या भवितव्यावर शिक्कामोर्तब! सचिव सैकिया म्हणाले, ‘रोहित शर्मा सध्या..”

सोशल मीडियावर नेटकऱ्यांमध्ये जुंपली; खेळाडूंच्या वैयक्तिक स्वातंत्र्यावरून दोन गट!

हा व्हिडीओ व्हायरल होताच इंटरनेटवर संमिश्र प्रतिक्रिया उमटत आहेत. एका युझरने महिला खेळाडूंशी तुलना करत लिहिले, “जर हेच एखाद्या महिला खेळाडूने केले असते, तर तिच्यावर टीकेची झोड उठली असती.” तर दुसऱ्या एका चाहत्याने धोनीची बाजू घेत म्हटले की, “खेळाडू आपल्या खाजगी आयुष्यात काय करतात हा त्यांचा वैयक्तिक प्रश्न आहे, यात कोणताही गुन्हा नाही.” या व्हिडिओमुळे क्रीडापटूंच्या मैदानाबाहेरील जीवनशैलीवर पुन्हा एकदा मोठी चर्चा सुरू झाली आहे.