Rohit Sharma Future : बीसीसीआयच्या बैठकीनंतर हिटमॅनच्या भवितव्यावर शिक्कामोर्तब! सचिव सैकिया म्हणाले, ‘रोहित शर्मा सध्या..”

Rohit Sharma ODI Future Safe BCCI Review Meeting Ajit Agarkar Absent Devajit Saikia Statement : भारतीय क्रिकेट संघाचा माजी कर्णधार रोहित शर्माच्या (Rohit Sharma) एकदिवसीय भवितव्यावरून सुरू असलेल्या सर्व चर्चांना अखेर पूर्णविराम मिळाला आहे. गुरुवारी मुंबईतील बीसीसीआय मुख्यालयात पार पडलेल्या उच्चस्तरीय बैठकीत रोहितच्या वनडे कारकिर्दीला हिरवा कंदील मिळाल्याचे संकेत मिळाले आहेत. दरम्यान, भारतीय क्रिकेटच्या भविष्याचा निर्णय करणाऱ्या या अत्यंत महत्त्वपूर्ण बैठकीला मुख्य निवडकर्ते अजित आगरकर यांची अनपेक्षित अनुपस्थिती सर्वांच्या भुवया उंचावणारी ठरली.

“रोहित उत्तम खेळतोय, अफवांकडे लक्ष देऊ नका!”; बीसीसीआय सचिवांचा निर्वाळा

बैठकीनंतर बीसीसीआयचे सचिव देवजित सैकिया यांनी प्रसारमाध्यमांशी बोलताना रोहितच्या निवृत्तीच्या अफवा फेटाळून लावल्या. ते म्हणाले, “रोहित शर्मा सध्या अप्रतिम फलंदाजी करत असून इंटरनेटवर सुरू असलेल्या निराधार बातम्यांकडे कोणीही लक्ष देऊ नये.” सैकिया यांच्या वक्तव्यावरून स्पष्ट होते की, रोहितचा फॉर्म कायम राहिल्यास तो २०२७ च्या एकदिवसीय विश्वचषकापर्यंत भारतीय संघाचा अविभाज्य भाग राहील.

अजित आगरकर बैठकीला गैरहजर; व्हर्च्युअलीही जोडले नाहीत –

VIDEO | Mumbai: “No difficulties expected in Japan; Rohit playing superbly,” says BCCI Secretary Devajit Saikia (@lonsaikia), amid speculation that Rohit Sharma could be dropped from the upcoming ODI series against the West Indies.

(Full video available on PTI Videos -… pic.twitter.com/kWeU64ZjXq

— Press Trust of India (@PTI_News) September 3, 2026

या हायव्होल्टेज बैठकीला कसोटी व वनडे कर्णधार शुबमन गिल आणि टी-२० कर्णधार श्रेयस अय्यर प्रत्यक्ष हजर होते. मात्र, निवड समिती अध्यक्ष अजित आगरकर प्रत्यक्ष किंवा व्हर्च्युअलीही उपस्थित राहिले नाहीत. याविषयी विचारले असता सैकिया यांनी स्पष्ट केले की, ही बैठक अचानक बोलावण्यात आल्यामुळे वैयक्तिक कारणास्तव आगरकर येऊ शकले नाहीत. तरीही त्यांच्या अनुपस्थितीमुळे क्रिकेट वर्तुळात अनेक तर्कवितर्कांना उधाण आले आहे.

हेही वाचा – MS Dhoni IPL : “…म्हणून खेळणार नाही!”; धोनीने थेट मित्रालाच सांगितला मोठा निर्णय; IPL 2027 पूर्वी बद्रीनाथचा खळबळजनक दावा

‘डायरेक्टर ऑफ क्रिकेट’ची चर्चा फेटाळली; गिल-अय्यर मौन बाळगून रवाना –

#WATCH | Mumbai, Maharashtra: Indian team Captain Shubman Gill, BCCI secretary Devajit Saikia, BCCI’s Centre of Excellence chief VVS Laxman, and Head coach Gautam Gambhir arrive at BCCI Headquarters for a meeting. pic.twitter.com/2vKvRWKEgI

— ANI (@ANI) September 3, 2026

बीसीसीआय लवकरच एका माजी खेळाडूची ‘डायरेक्टर ऑफ क्रिकेट’ पदी नियुक्ती करणार असल्याच्या चर्चा होत्या; मात्र सचिव सैकिया यांनी अशा कोणत्याही नियुक्तीची शक्यता स्पष्टपणे फेटाळून लावली. बैठकीनंतर बाहेर पडताना शुबमन गिल आणि श्रेयस अय्यर यांनी माध्यमांच्या प्रश्नांवर मौन बाळगणे पसंत केले. रोहित शर्माच्या भवितव्यावर बीसीसीआयने सकारात्मक संकेत दिल्याने चाहत्यांमध्ये मोठा दिलासा पाहायला मिळत आहे.