IND vs WI 1st ODI Virat Kohli Fastest 15000 ODI Runs Breaks Sachin Tendulkar Records : वेस्ट इंडिजविरुद्धच्या पहिल्या एकदिवसीय सामन्यातून संघात पुनरागमन करताच विराट कोहलीने (Virat Kohli) जागतिक क्रिकेटच्या विक्रमांची पाने पुन्हा एकदा नव्याने लिहिली आहेत. ग्रीनफिल्ड आंतरराष्ट्रीय स्टेडियमवर वादळी अर्धशतक ठोकत त्याने एकदिवसीय क्रिकेटमध्ये १५ हजार धावांचा ऐतिहासिक टप्पा ओलांडला आहे. या कामगिरीसह तो एकदिवसीय क्रिकेटमध्ये १५ हजार धावा करणारा सचिन तेंडुलकरनंतरचा जगातील केवळ दुसराच फलंदाज ठरला आहे. मात्र, सचिनपेक्षा तब्बल ७४ डाव कमी खेळून त्याने सर्वात जलद १५ हजार धावा ठोकण्याचा नवा विश्वविक्रम आपल्या नावावर केला.

अवघ्या ४० चेंडूंत अर्धशतक; षटकारासह ठोकली फिफ्टी!

जुलै महिन्यानंतर आपला पहिलाच एकदिवसीय सामना खेळणाऱ्या ३७ वर्षीय कोहलीने सुरुवातीपासूनच आक्रमक पवित्रा घेतला. विकेट्समधील चपळ धाव आणि मैदानाभोवती मारलेल्या सुरेख फटक्यांच्या जोरावर त्याने अवघ्या ४० चेंडूंत आपले अर्धशतक पूर्ण केले. अल्झारी जोसेफच्या २७ व्या षटकातील चेंडूवर उत्तुंग षटकार खेचत त्याने अर्धशतक साजरे केले. या अर्धशतकानंतर ५९ धावांचा टप्पा ओलांडताच त्याने १५ हजार धावांचा एव्हरेस्ट सर केला.

Fastest to 1⃣5⃣0⃣0⃣0⃣ ODI runs ✅

Congratulations to Virat Kohli on becoming the second player to achieve the feat after Sachin Tendulkar 👏👏

Updates ▶️ https://t.co/O2cs86p4gq#TeamIndia | #INDvWI | @mflone_ | @imVkohli pic.twitter.com/CMhAIOXQhR

— BCCI (@BCCI) September 27, 2026

सचिन तेंडुलकरचा मोठा विक्रम उद्ध्वस्त; अवघ्या ३०३ डावांत महापराक्रम!

Moment for the history books 📖

The magical feeling of scaling Mt. 1⃣5⃣0⃣0⃣0⃣ ODI runs, ft. Virat Kohli 🏔️

Updates ▶️ https://t.co/O2cs86p4gq#TeamIndia | #INDvWI | @mflone_ | @imVkohli pic.twitter.com/sbqA6KtBsr

— BCCI (@BCCI) September 27, 2026

सचिन तेंडुलकरने ३७७ डावांत १५ हजार एकदिवसीय धावा पूर्ण केल्या होत्या; तर विराट कोहलीने ही अचाट कामगिरी अवघ्या ३०३ डावांत पूर्ण करून नवा जागतिक इतिहास रचला. याशिवाय, बिगर-आशियाई (Non-Asian) संघांविरुद्ध एकदिवसीय सामन्यांमध्ये सर्वाधिक वेळा ५० पेक्षा अधिक धावा (50+ scores) करण्याचा सचिनचा विक्रमही विराटने मोडला. कोहलीच्या नावावर आता बिगर-आशियाई संघांविरुद्ध ९६ वेळा ५० पेक्षा जास्त धावांची नोंद झाली आहे.

हेही वाचा – Sarvesh Kushare Silver : नाशिकच्या शेतकऱ्याच्या मुलाची गगनभरारी! उंच उडीत भारताला ५६ वर्षांनंतर जिंकून दिले ऐतिहासिक रौप्यपदक

एकदिवसीय क्रिकेटच्या इतिहासात सर्वाधिक धावा करणारे अव्वल ५ फलंदाज:

• सचिन तेंडुलकर – १८,४२६ धावा
• विराट कोहली – १५,०००+ धावा
• कुमार संगकारा – १४,२३४ धावा
• रिकी पॉन्टिंग – १३,७०४ धावा
• सनथ जयसूर्या – १३,४३० धावा