Harshit Rana Sledging : भारत-पाक सामन्यात पुन्हा राडा! हर्षित राणाने पाक फलंदाजाला असं काही डिवचलं की थेट खेळच पलटला
Harshit Rana Sledging Video : एशिया कप रायझिंग स्टार्स स्पर्धेत पाकिस्तान 'अ' संघाने वेगवान सुरुवात केली आणि भारत 'अ' संघ विकेट्सच्या शोधात होता. हर्षितचा पाकिस्तानी फलंदाजांशी वाद झाला आणि त्याचा फायदा भारत 'अ' संघाला झाला.

Harshit Rana’s fiery sledging and send-off rattle Pakistan A batters : भारत आणि पाकिस्तान यांच्यात क्रिकेटचा सामना सुरू असो आणि मैदानावर तणाव किंवा शाब्दिक चकमक होऊ नये, असे क्वचितच घडते. वरिष्ठ संघांच्या सामन्यांपासून ते नुकत्याच झालेल्या अंडर-१९ आशिया चषकाच्या अंतिम सामन्यापर्यंत हे चित्र वारंवार पाहायला मिळाले आहे. याचीच पुनरावृत्ती कतरची राजधानी दोहा येथे सुरू असलेल्या ‘आशिया चषक रायझिंग स्टार्स २०२६’ स्पर्धेत झाली. इंडिया-ए आणि पाकिस्तान-ए यांच्यातील सामन्यात भारतीय वेगवान गोलंदाज हर्षित राणाची पाकिस्तानी फलंदाजांशी जोरदार बाचाबाची झाली, मात्र याचा थेट फायदा भारतीय संघालाच झाला.
पाकिस्तानी सलामीवीरांची पहिल्या सहा षटकांत वादळी सुरुवात –
रविवारी २२ नोव्हेंबर रोजी खेळल्या गेलेल्या या हाय-व्होल्टेज सामन्यात पाकिस्तान-ए संघाने नाणेफेक जिंकून प्रथम फलंदाजी करण्याचा निर्णय घेतला. पाकिस्तानच्या सलामीवीरांनी पहिल्याच षटकापासून आक्रमक पवित्रा घेत स्फोटक सुरुवात केली. शामिल हुसैन आणि माझ सदाकत या जोडीने भारतीय वेगवान गोलंदाज हर्षित राणा आणि प्रिंस यादव यांच्याविरुद्ध चौकार-षटकारांचा पाऊस पाडत अवघ्या सहा षटकांत ६० हून अधिक धावा फलकावर लावल्या होत्या.
हर्षित राणाची स्लेजिंग अन् पाकिस्तानी फलंदाज अडकला जाळ्यात –
Can someone please tell me what Harshit Rana is even saying? 😭💀
#INDAvPAKA https://t.co/laVItgyA5U
— Vansh Arora (@BeelzebubJagga) November 22, 2026
पाकिस्तानी फलंदाजांनी विशेषतः हर्षित राणाच्या गोलंदाजीवर अनेक चौकार लगावले, ज्यामुळे हर्षित काहीसा संतापला. प्रतिस्पर्धी फलंदाजांना चूक करण्यास भाग पाडण्यासाठी त्याने त्यांना डिवचण्यास (स्लेजिंग) सुरुवात केली. माझ सदाकतने हर्षितच्या बोलण्याकडे पूर्णपणे दुर्लक्ष केले, परंतु शामिल हुसैन मात्र त्याच्या जाळ्यात अलगद अडकला. दोघांमध्ये दोन ते तीन वेळा जोरदार शाब्दिक चकमक उडाली आणि अखेर हीच रणनीती इंडिया-ए संघाच्या पथ्यावर पडली.
All that fire, all that aggression, and now a wicket to show for it for Harshit Rana. 🥵
Watch India A vs Pakistan A in the #DPWorldAsiaCupRisingStarsMens2026 LIVE NOW on Sony Sports Network TV channels & Sony LIV.
#SonySportsNetwork #SonyLIV #INDvPAK https://t.co/mhA1AH4YVE
— Sony Sports Network (@SonySportsNetwk) November 22, 2026
आयुष बडोनीचा चेंडू, हर्षितचा झेल अन् आक्रमक सेलिब्रेशन –
Shamyl Hussain dismissed for 33 runs. https://t.co/1Sqw1rwnWg
— CricFlick (@CricFlick_pk) November 22, 2026
पहिल्या सात षटकांत भारतीय गोलंदाजांना एकही यश मिळाले नव्हते, मात्र हर्षितने भडकवल्याचा परिणाम आठव्या षटकात लगेचच दिसून आला. फिरकीपटू आयुष बडोनीच्या गोलंदाजीवर शामिल हुसैनने पुढे येऊन मोठा फटका खेळण्याचा प्रयत्न केला, पण चेंडू थेट थर्ड मॅनच्या दिशेने गेला. योगायोगाने तिथे उभ्या असलेल्या हर्षित राणानेच हा झेल अचूक टिपला आणि झेल घेताच त्याने शामिलला आक्रमकपणे पॅव्हेलियनचा रस्ता दाखवला.
पुढच्याच षटकात दुसरा धक्का, पाकिस्तानच्या धावगतीला लागला ब्रेक –
Harshit Rana to pakistani player :- CHAL BSDK 😂😭 https://t.co/JWNaSKRvrE
— Agenda Merchant (@StumpMicLeaks0) November 22, 2026
येथेच न थांबता, पुढच्याच षटकात पुन्हा गोलंदाजीसाठी आलेल्या हर्षित राणाने नवीन फलंदाज रोहेल नझीरला पायचीत (LBW) बाद करत पाकिस्तानला दुसरा मोठा धक्का दिला. हर्षितची ही आक्रमक रणनीती पूर्णपणे यशस्वी ठरली आणि इंडिया-ए ने पाकिस्तानच्या वादळी फलंदाजीला अचूक वेसण घातली. याचा परिणाम असा झाला की, पहिल्या सहा षटकांत ६० धावा करणाऱ्या पाकिस्तानला आपले शतक पूर्ण करण्यासाठी थेट १५ व्या षटकापर्यंत प्रतीक्षा करावी लागली.





