Abhishek Sharma Fifty : अभिषेक शर्माचा कहर! अवघ्या एका षटकात २४ धावा अन् इतक्या चेंडूंत ठोकलं वादळी अर्धशतक, पाहा VIDEO
Abhishek Sharma Fifty : रायझिंग स्टार्स आशिया कपमध्ये पाकिस्तानच्या ३१४ धावांच्या लक्ष्याचा पाठलाग करताना भारत 'अ' संघाने सुरुवातीलाच विकेट गमावल्या. अभिषेक शर्माने आक्रमक फलंदाजी करून डाव सावरला.

Abhishek Sharma smashes a 31-ball fifty : रायझिंग स्टार्स आशिया कप २०२६ च्या आठव्या आणि ग्रुप-बी मधील अत्यंत चुरशीच्या सामन्यात इंडिया-ए आणि पाकिस्तान-ए हे पारंपरिक प्रतिस्पर्धी आमनेसामने आले आहेत. या सामन्यात नाणेफेक जिंकून प्रथम फलंदाजी करण्याचा निर्णय घेतलेल्या पाकिस्तान-ए संघाने ४९.२ षटकांत सर्वबाद ३१३ धावांचा डोंगर उभारला. या धावांचा पाठलाग करताना अभिषेक शर्माने वादळी खेळी साकारत भारताला दमदार सुरुवात करुन दिली.
अभिषेक शर्माचे वादळ, एकाच षटकात ठोकल्या २४ धावा –
प्रत्युत्तरात ३१४ धावांच्या मोठ्या लक्ष्याचा पाठलाग करताना भारताची सुरुवात काहीशी डळमळीत झाली आणि संघाने लवकरच दोन महत्त्वाचे गडी गमावले. मात्र, सलामीवीर अभिषेक शर्माने जबाबदारी खांद्यावर घेत पाकिस्तानी गोलंदाजांवर जोरदार प्रतिहल्ला चढवला. त्याने डावाच्या आठव्या षटकात गोलंदाज इम्रान रंधावाची धुलाई करत तब्बल २४ धावा वसूल केल्या. अभिषेकने अवघ्या ३१ चेंडूंत आपले स्फोटक अर्धशतक पूर्ण करत सामन्यात जान आणली. यानंतर त्याने ४२ चेंडूंत ६ षटकार आणि ६ चौकार ठोकत ७० धावांची खेळी साकारली.
वैभव सूर्यवंशी आणि आयुष बडोनी स्वस्तात माघारी –
0 4 4 6 6 4
💥🔥Abhishek Sharma carves Imran Randhawa through point! 24 RUNS OFF THE OVER! 🤯
THE CROWD IS GOING CRAZY! 🇮🇳
#AbhishekSharma #INDvsPAK #TeamIndia #Cricket #aisacup https://t.co/qyJT1QVUTN
— SportsFlashNow (@SportsFlashNow) November 22, 2026
तत्पूर्वी, भारतीय डावाची सुरुवात निराशाजनक राहिली. अवघ्या २५ धावांवर भारताला पहिला धक्का बसला, जेव्हा युवा फलंदाज वैभव सूर्यवंशी केवळ ११ धावा करून तंबूत परतला. या स्पर्धेत सलग दुसऱ्या सामन्यात वैभव मोठी खेळी करण्यात अपयशी ठरला आहे. त्यानंतर लगेचच २६ धावांवर आयुष बडोनीही खाते न उघडता शून्यावर बाद झाला. यानंतर कर्णधार तिलक वर्माने मैदानावर उतरून डाव सावरला.
पाकिस्तानची तीन अर्धशतके अन् भारतीय गोलंदाजांची कामगिरी –
🔥 What a performance by Abhishek Sharma!
He smashed 70 runs off just 42 balls against Pakistan in the Asia Cup. A fearless innings that made every Indian fan proud! 🇮🇳❤️ https://t.co/i9WygHWKa3
— Divya (@DivyaGagda) November 22, 2026
यापूर्वी पाकिस्तान-ए संघाच्या फलंदाजांनी दमदार खेळ करत तीन अर्धशतके झळकावली. हसन नवाझने सर्वाधिक ७९ धावांची खेळी केली, तर माज सदाकतने ५९ आणि फरहान युसूफने ५६ धावांचे मोलाचे योगदान दिले. भारताकडून हर्षित राणा, प्रिंस यादव, विप्रज निगम आणि सूर्यांश शेडगे यांनी प्रत्येकी दोन विकेट्स घेतल्या.





