Politics News : ब्रिजभूषण शरण सिंह यांनी भाजप नेतृत्वावर नाराजी व्यक्त केल्यानंतर उत्तर प्रदेशच्या राजकारणात मोठी खळबळ उडाली आहे. सहा वेळा खासदार राहिलेले आणि कैसरगंजचे प्रभावी नेते म्हणून ओळख असलेले सिंह लवकरच समाजवादी पक्षात प्रवेश करू शकतात, अशी जोरदार चर्चा सुरू झाली आहे. (Politics News)

अलीकडेच ब्रिजभूषण शरण सिंह यांनी थेट भाजपलाच इशारा देत “जर आम्ही पक्षाला ओझं वाटत असू, तर स्पष्ट सांगा; आम्ही आमची ताकद दाखवू,” असे वक्तव्य केले. त्यांच्या या विधानानंतर पक्षात त्यांची नाराजी उघडपणे समोर आली आहे.

२०२४ च्या लोकसभा निवडणुकीत लैंगिक शोषणाच्या आरोपांमुळे भाजपने त्यांना उमेदवारी नाकारली होती. त्याऐवजी त्यांच्या पुत्र करण भूषण सिंह यांना उमेदवारी देण्यात आली होती आणि त्यांनी विजय मिळवला होता. यानंतर सिंह यांना पक्षात बाजूला केल्याची भावना त्यांच्या समर्थकांमध्ये असल्याचे दिसत आहे.

दरम्यान, अखिलेश यादव यांनी सिंह यांच्या संभाव्य प्रवेशाबाबत सावध प्रतिक्रिया देत थेट भूमिका स्पष्ट केलेली नाही. मात्र त्यांच्या वक्तव्यामुळे राजकीय चर्चांना उधाण आले आहे.

उत्तर प्रदेशमधील विशेषतः गोंडा परिसरात आजही ब्रिजभूषण शरण सिंह यांचा प्रभाव मोठा मानला जातो. त्यामुळे त्यांनी पक्षांतर केल्यास भाजपसाठी हा मोठा राजकीय धक्का ठरू शकतो, अशी शक्यता व्यक्त केली जात आहे.

हेही वाचा :

BJP Worker Killed : महाराष्ट्र हादरला..! भाजप कार्यकर्त्यावर झाडल्या 9 गोळ्या; राजकीय वर्तुळात खळबळ

BJP Protest : पुतळा जाळताना मोठा स्फोट; भाजपच्या महिला आमदार आगीत होरपळल्या