Ashok Kharat : आगामी सिंहस्थ कुंभमेळ्याच्या पार्श्वभूमीवर नाशिकमध्ये पायाभूत सुविधांच्या कामांना वेग आला असताना एक धक्कादायक माहिती समोर आली आहे. विविध गंभीर गुन्ह्यांमध्ये अटकेत असलेला आणि सध्या कारागृहात असलेला भोंदू बाबा अशोक खरात याला सिंहस्थ रिंग रोडसाठी होणाऱ्या भूसंपादनातून तब्बल 3 कोटी रुपयांचा मोबदला मिळणार असल्याची माहिती समोर आली आहे. (Ashok Kharat)

लैंगिक शोषणासह विविध आरोपांमध्ये अडकलेल्या अशोक खरातची कारागृहात असतानाही कोट्यवधींची कमाई सुरू असल्याने नाशिकमध्ये मोठी चर्चा रंगली आहे.

मिळालेल्या माहितीनुसार, सिंहस्थ रिंग रोड प्रकल्पासाठी खरात कुटुंबाच्या विविध भागांतील जमिनी संपादित करण्यात येत आहेत. या बदल्यात सरकारकडून मोठा आर्थिक मोबदला दिला जाणार आहे. (Ashok Kharat)

गौळाणे परिसरातील जमिनीचा मोबदला

गौळाणे परिसरातील जमिनीच्या बदल्यात अशोक खरात आणि त्याची पत्नी कल्पना खरात यांना सुमारे 82 लाख 83 हजार रुपये मिळणार असल्याची माहिती आहे.

पाथर्डीतील जमिनीवर मुलींचा हक्क

पाथर्डी परिसरातील जमीन अशोक खरातच्या मुलींच्या नावावर असल्याचे सांगितले जात आहे. या जमिनीच्या भूसंपादनातून त्याच्या मुली तृप्तबाला आणि सृष्टी खरात यांना तब्बल 1 कोटी 82 लाख रुपयांचा फायदा होणार आहे.

निलंबित अधिकाऱ्यांच्या पत्नीचाही सहभाग?

या प्रकरणात काही शासकीय अधिकाऱ्यांच्या नावांचाही संबंध समोर येत आहे. सध्या निलंबित असलेल्या एका उपजिल्हाधिकाऱ्यांच्या पत्नीचीही या जमिनीत भागीदारी असल्याची माहिती पुढे आली आहे. त्यामुळे या जमीन व्यवहारांमध्ये संशयास्पद हालचाली झाल्याच्या चर्चांना उधाण आले आहे. (Ashok Kharat)

सूत्रांच्या माहितीनुसार, मुख्य संशयित अशोक खरात सध्या कारागृहात असल्यामुळे जमीन खरेदी-विक्रीच्या प्रक्रियेत त्याची प्रत्यक्ष उपस्थिती शक्य नाही. नियमांनुसार, तो स्वतः उपस्थित राहिला नाही तर संबंधित जमिनींच्या मोबदल्यावर परिणाम होण्याची शक्यता असल्याचेही सांगितले जात आहे. (Ashok Kharat)

दरम्यान, पाथर्डी येथील जमिनीच्या मोबदल्यासाठी अशोक खरातच्या मुली तृप्तबाला आणि सृष्टी खरात यांना प्रत्यक्ष उपस्थित राहणे आवश्यक असणार असल्याची माहिती समोर आली आहे. (Ashok Kharat)

हेही वाचा

Ashok Kharat : अशोक खरात प्रकरणात मोठी अपडेट; उपजिल्हाधिकारी अभिजीत भांडे यांचं निलंबन