Shivaji Sawant | शिवसेना शिंदे गटातील ज्येष्ठ नेते आणि सोलापुरातील माजी संपर्कप्रमुख शिवाजी सावंत यांचा भाजपमध्ये होणारा पक्षप्रवेश रखडला आहे. बुधवारी त्यांचा भाजप प्रदेशाध्यक्ष रविंद्र चव्हाण यांच्या उपस्थितीत पक्षप्रवेश सोहळा पार पडणार होता. मात्र, अद्याप हा पक्ष प्रवेश सोहळा झाला नाही. यामुळे राजकीय वर्तुळात चर्चांना उधाण आले आहे. माजी मंत्री आणि भूम परंडा मतदारसंघाचे आमदार तानाजी सावंत हे शिवाजी सावंत यांचे बंधू आहेत. दोघांमधील सुरू असलेल्या कौटुंबिक आणि राजकीय मतभेदांच्या पार्श्वभूमीवर हा प्रवेश विशेष महत्त्वाचा मानला जात होता. गेल्या काही दिवसांपासून शिवाजी सावंत हे भाजप पक्षातील नेत्यांच्या संपर्कात होते. ऐनवेळी पक्षप्रवेश सोहळा लांबणीवर अलिकडेच त्यांनी मुख्यमंत्री देवेंद्र फडणवीस आणि पालकमंत्री जयकुमार गोरे यांची भेट घेतली. शिवाजी सावंत यांच्यासोबत कुर्डूवाडी, करमाळा आणि सोलापुरातील अनेक माजी नगरसेवकांचा पक्षप्रवेश होणार होता. मात्र, ऐनवेळी हा पक्षप्रवेश सोहळा लांबणीवर पडला. या घडामोडीनंतर विविध चर्चा रंगू लागल्या असून, तानाजी सावंत यांचा प्रभाव आणि हस्तक्षेप यामागे कारणीभूत असल्याची चर्चा राजकीय वर्तुळात सुरू झाली आहे. राज्याच्या सत्तांतर प्रक्रियेदरम्यान तानाजी सावंत यांनी शिंदे गटाच्या भूमिकेला बळकटी दिली होती. त्या काळात देवेंद्र फडणवीस यांच्याशी त्यांचे निकटचे संबंध निर्माण झाले. त्यामुळे भाजपने तानाजी सावंत यांच्या भूमिकेचा मान राखत त्यांच्या बंधूंचा प्रवेश थांबवला, अशी चर्चा सुरु झाली आहे. Shivaji Sawant | सध्या दोन्ही सावंत बंधूंच्या मतभेदांच्या पार्श्वभूमीवर शिवाजी सावंत यांच्या पक्षांतरामुळे स्थानिक स्तरावर शिंदे गटाला मोठा फटका बसू शकतो, असे म्हंटले जात आहे. मात्र शिवाजी सावंत यांचा पक्षप्रवेश भाजपमध्ये होणार की, याला काही वेगळे वळण लागणार हे पाहणे महत्त्वाचे ठरणार आहे. Shivaji Sawant | हेही वाचा : दिल्ली स्फोटाच्या जम्मू-काश्मीर कनेक्शनवर ओमर अब्दुल्ला यांची प्रतिक्रिया ; म्हणाले,”इथले सगळे नागरिक…”
