T20 World Cup 2024 (warm-up match) : वेस्ट इंडिजनं ऑस्ट्रेलियाचा उडवला धुव्वा, 222 धावा करूनही कांगारूं झाले पराभूत
T20 World Cup 2024 (WI vs AUS warm-up match Highlights) : टी-20 विश्वचषकातील सराव सामन्यात वेस्ट इंडिजने ऑस्ट्रेलियाचा धुव्वा उडवला आहे. ऑस्ट्रेलियाने 222 धावा केल्या, तरीही वेस्ट इंडिजने हा सामना 35 धावांनी जिंकला. या सामन्यात वेस्ट इंडिज संघाकडून स्फोटक फलंदाजी पाहायला मिळाली. पोर्ट ऑफ स्पेन येथे झालेल्या सामन्यात ऑस्ट्रेलियाने नाणेफेक जिंकून गोलंदाजी करण्याचा निर्णय घेतला, जो अयोग्य ठरला. प्रथम फलंदाजी करण्यासाठी आलेल्या वेस्ट इंडिजने 20 षटकांत 4 बाद 257 धावा केल्या होत्या. प्रत्युत्तरात ऑस्ट्रेलियाला 20 षटकात 7 बाद केवळ 222 धावाच करता आल्या.
A great start ahead of our ICC Men’s T20 World Cup campaign.👏🏿#WIREADY | #T20WorldCup pic.twitter.com/H5RnGm2Irs
— Windies Cricket (@windiescricket) May 31, 2024
दरम्यान, सध्या टी-20 विश्वचषक 2024 च्या आधी सराव सामने खेळले जात आहेत. सराव सामन्यातच वेस्ट इंडिजने ऑस्ट्रेलियाचा बँड वाजवला. वेस्ट इंडिजकडून दमदार फलंदाजी पाहायला मिळाली. निकोलस पुरनने संघासाठी सर्वात मोठी खेळी खेळली आणि अवघ्या 25 चेंडूत 5 चौकार आणि 8 षटकारांच्या मदतीने 75 धावा केल्या. या काळात त्याचा स्ट्राईक रेट 300 होता. याशिवाय कर्णधार रोव्हमन पॉवेलने 25 चेंडूत 4 चौकार आणि 4 षटकारांसह 52 धावा केल्या. शेरफेन रदरफोर्डने 18 चेंडूत 4 चौकार आणि 4 षटकारांच्या मदतीने नाबाद 47 धावा केल्या. याशिवाय इतर फलंदाजांनी छोटे पण महत्त्वाचे योगदान दिले.
ऑस्ट्रेलियाच्या फिरकीपटूंना पहिल्या डावात जास्त विकेट मिळाल्या. ॲडम झाम्पाला 2 यश मिळाले. त्याचवेळी ॲश्टन आगर आणि टीम डेव्हिड यांनी प्रत्येकी एक यश संपादन केले.
222 धावा करूनही ऑस्ट्रेलिया पराभूत…
प्रथम गोलंदाजी करण्याचा निर्णय घेतलेल्या ऑस्ट्रेलियाला 258 धावांच्या लक्ष्याचा पाठलाग करताना 222 धावांपर्यंतच मजल मारता आली. मोठ्या लक्ष्याचा पाठलाग करताना कांगारू संघाला चांगली सुरुवात करता आली नाही. वॉर्नर आणि ॲश्टन अगर पहिल्या विकेटसाठी केवळ 23 (10 चेंडू) धावा करू शकले. 6 चेंडूत 2 चौकार आणि 1 षटकाराच्या मदतीने 15 धावा करून पॅव्हेलियनमध्ये परतलेल्या वॉर्नरच्या रूपाने संघाने दुसऱ्याच षटकात पहिली विकेट गमावली. त्यानंतर संघाला दुसरा झटका कर्णधार माइल्स मार्शच्या रूपाने बसला, जो केवळ 04 धावा करून बाद झाला.
यानंतर 5व्या षटकात ॲश्टन आगरही पायचीत झाला. आगरने 13 चेंडूत 4 चौकार आणि 2 षटकारांच्या मदतीने 28 धावा केल्या. त्यानंतर जोश इंग्लिस आणि टीम डेव्हिड यांनी चौथ्या विकेटसाठी 53 धावा (28 चेंडू) जोडल्या. ही भागीदारी 10 व्या षटकात टीम डेव्हिडच्या विकेटसह संपुष्टात आली आणि ऑस्ट्रेलियाला चौथा धक्का बसला. टीमने 12 चेंडूत 3 चौकार आणि 2 षटकारांच्या मदतीने 25 धावा केल्या. यानंतर 13व्या षटकात मॅथ्यू वेड बाद झाला. वेडने 14 चेंडूत 3 चौकार आणि 1 षटकाराच्या मदतीने 25 धावा केल्या. त्यानंतर चौदाव्या षटकात जोश इंग्लिशच्या रूपाने संघाला सहावा धक्का बसला. इंग्लिशने चांगली खेळी खेळताना 30 चेंडूत 5 चौकार आणि 4 षटकारांच्या मदतीने 55 धावा केल्या. त्यानंतर नॅथन एलिसच्या रूपाने संघाने सातवी विकेट गमावली. एलिसने 22 चेंडूत 4 चौकार आणि 2 षटकारांच्या मदतीने 39 धावा केल्या.
ॲडम झम्पा 16 चेंडूत 21 धावा करून नाबाद राहिला आणि जोश हेझलवूड 3 चेंडूत 3 धावा करून नाबाद राहिला. वेस्ट इंडिजकडून गोलंदाजीत अल्झारी जोसेफ आणि गुकेश मोती यांनी 2-2 बळी घेतले. तर अकिल हौसेन, शामर जोसेफ आणि ओबेद मॅकॉय यांना 1-1 यश मिळाले.
