T20 World Cup 2024 (Super -8 Match 1, SA vs USA) : टी-20 विश्वचषक स्पर्धेत आजपासून (19 जून,बुधवार) सुपर-8 चे सामने सुरू होतील. पहिला सामना दक्षिण आफ्रिका (SA) आणि अमेरिका (USA) यांच्यात अँटिग्वा येथील सर व्हिव्हियन रिचर्ड्स स्टेडियमवर होणार आहे. हा सामना स्थानिक वेळेनुसार सकाळी 10.30 पासून खेळवला जाईल. तर भारतात सामना रात्री 8 वाजता सुरू होईल.

दोन्ही संघांच्या गटातील कामगिरीवर नजर टाकली तर आफ्रिकेने एकही सामना गमावला नाही, तर अमेरिकेला भारताकडून पराभवाला सामोरे जावे लागले. त्यामुळे या सामन्यात दक्षिण आफ्रिकेचे पारडं जड असेल. पण अमेरिकेला कमी लेखण्याची चूक दक्षिण आफ्रिका करणार नाही. कारण त्यांनी साखळी फेरीत बलाढ्य पाकला पराभवाची धूळ चारली आहे.

दोन्ही संघ प्रथमच आमनेसामने येणार…

दक्षिण आफ्रिका आणि अमेरिका प्रथमच एकमेकांविरुद्ध खेळणार आहेत. अमेरिका प्रथमच आयसीसी टूर्नामेंटचा भाग बनला आहे. त्यांच्या पहिल्याच विश्वचषकात, अमेरिकन खेळाडूंनी चमकदार कामगिरी केली आणि सुपर-8 मध्ये स्थान मिळवले. त्याचबरोबर आफ्रिका संघाने विश्वचषक स्पर्धेत आतापर्यंत 4 सामने खेळले असून त्यापैकी एकही सामना हारलेला नाही. ड गटात आफ्रिका 8 गुणांसह पहिल्या स्थानावर आहे. याचबरोबर अ गटात अमेरिका 5 गुणांसह दुसऱ्या स्थानावर आहे.

दक्षिण अफ्रीकेची संभावित प्लेइंग 11 : एडन मार्कराम (कर्णधार), क्विंटन डी कॉक, रीझा हेन्रिक्स, हेनरिक क्लासेन, ट्रिस्टन स्टब्स, केशव महाराज, डेव्हिड मिलर, एनरिक नॉर्खिया, मार्को जॉन्सन, कागिसो रबाडा, तबरेझ शम्सी.

अमेरिकेची संभावित प्लेइंग 11 : मोनांक पटेल (कर्णधार), आरोन जोन्स, स्टीव्हन टेलर, अली खान, कोरी अँडरसन, अँड्रिज गॉस, नितीश कुमार, जसदीप सिंग, नोष्टुज किंजिगे, शेडली वॉन, सौरभ नेत्रावलकर.

T20 World Cup 2024 : सुपर-8 पूर्वी टीम इंडियाची चिंता वाढली, स्फोटक फलंदाजाच्या हाताला दुखापत, समोर आलं ‘हे’ अपडेट…

सुपर-8 फेरी ‘या’ कालावधीत होणार….

सुपर-8 चे आठ संघ निश्चित झाले आहेत. सुपर-8 फेरी 19 जूनपासून सुरू होणार आहे. तर या फेरीतील शेवटचा सामना 25 जून रोजी होणार आहे. या विश्वचषकात 20 संघ खेळण्यासाठी आले होते, ज्यांची प्रत्येकी पाच गटात विभागणी करण्यात आली होती. प्रत्येक गटातील अव्वल दोन संघ सुपर-8 मध्ये पोहोचले आहेत. यामध्ये भारत, ऑस्ट्रेलिया, दक्षिण आफ्रिका, वेस्ट इंडिज, अफगाणिस्तान, अमेरिका, इंग्लंड आणि बांगलादेश यांचा समावेश आहे. टी-20 विश्वचषक 2024 चा पहिला उपांत्य सामना 26 जून आणि दुसरा उपांत्य सामना 27 जून रोजी खेळवला जाईल. बार्बाडोस येथे 29 जून रोजी अंतिम सामना होणार आहे.

दरम्यान, भारताला सुपर 8 मध्ये तीन सामने खेळायचे आहेत. टीम इंडियाचा पहिला सामना अफगाणिस्तानविरुद्ध आहे. हा सामना 20 जून रोजी होणार आहे. यानंतर भारत आणि बांगलादेश यांच्यात सामना होणार आहे. हा सामना 22 जून रोजी होणार आहे. टीम इंडियाचा तिसरा सामना ऑस्ट्रेलियाशी होणार आहे. हा सामना 24 जून रोजी होणार आहे.

T20 World Cup 2026 : टी-20 विश्वचषक 2026 साठी ‘हे’ 12 संघ ठरले पात्र, पाकसह या ‘3’ संघांना लागली लाॅटरी…

टी-20 विश्वचषक 2024 : सुपर-8 चे पूर्ण वेळापत्रक…

अमेरिका विरुद्ध दक्षिण आफ्रिका : 19 जून, रात्री 8 वाजता, अँटिग्वा
इंग्लंड विरुद्ध वेस्ट इंडिज : 20 जून, सकाळी 6 वाजता, सेंट लुसिया
अफगाणिस्तान विरुद्ध भारत : 20 जून, रात्री 8 वाजता, बार्बाडोस

ऑस्ट्रेलिया विरुद्ध बांगलादेश : 21 जून, सकाळी 6 वाजता, अँटिग्वा
इंग्लंड विरुद्ध दक्षिण आफ्रिका : 21 जून, रात्री 8 वाजता, सेंट लुसिया
यूएसए विरुद्ध वेस्ट इंडीज : 22 जून, सकाळी 6 वाजता, बार्बाडोस

भारत विरुद्ध बांगलादेश : 22 जून, रात्री 8 वाजता, अँटिग्वा
अफगाणिस्तान विरुद्ध ऑस्ट्रेलिया : 23 जून, सकाळी 6 वाजता, सेंट व्हिन्सेंट
यूएसए विरुद्ध इंग्लंड : 23 जून, 8 वाजता, बार्बाडोस

वेस्ट इंडिज विरुद्ध दक्षिण आफ्रिका : 24 जून, सकाळी 6 वाजता, अँटिग्वा
ऑस्ट्रेलिया विरुद्ध भारत : 24 जून, रात्री 8 वाजता, सेंट लुसिया
अफगाणिस्तान विरुद्ध बांगलादेश : 25 जून, सकाळी 6 वाजता, सेंट व्हिन्सेंट