T20 World Cup 2024 (IND vs USA) : यूएसएविरूध्दच्या सामन्यात टीम इंडियाच्या Playing 11 मध्ये बदल शक्य…! जाणून घ्या, कोणाला मिळू शकते संधी
T20 World Cup 2024 (IND vs USA Playing XI) :- रोहित शर्माच्या नेतृत्वाखाली पाकिस्तानवर विजय मिळवल्यानंतर भारतीय क्रिकेट संघ पुन्हा एकदा यंदाच्या T20 विश्वचषकातील तिसरा सामना खेळण्यासाठी सज्ज झाला आहे. टीम इंडियाचा पुढील सामना आज (12 जून, रात्री 8 वाजता) यूएसए विरुद्ध आहे, जो न्यूयॉर्कमध्ये खेळला जाईल, जिथे मागील दोन सामने झाले होते. आता प्रश्न असा आहे की, अमेरिकाविरूध्दच्या (USA) सामन्यात भारतीय कर्णधार आणि प्रशिक्षक हे प्लेइंग इलेव्हनमध्ये काही बदल करणार की तोच संघ मैदानात उतरवणार.
पहिल्या दोन सामन्यांमध्ये टीम इंडियाचे सारखेच प्लेइंग इलेव्हन
टीम इंडियाने खेळलेल्या पहिल्या दोन सामन्यांमध्ये कोणताही बदल दिसला नाही. म्हणजे आयर्लंडविरुद्ध मैदानात उतरलेली तीच प्लेइंग इलेव्हन पाकिस्तानविरुद्धही पाहायला मिळाली. पण दरम्यान, खेळाडूंच्या कामगिरीबद्दल बोलायचे झाले तर भारताने दोन सामने जिंकले असतील, त्यामुळे उणीवांबद्दल फारसे बोलले जात नाही, पण काही समस्या आहेत, ज्या पाहिल्या पाहिजेत आणि समजून घेतल्या पाहिजेत.
विशेष लक्ष शिवम दुबेवर द्यायला हवे. त्याला आयर्लंडविरुद्ध खेळायला मिळाले नाही, पण पाकिस्तानविरुद्ध त्याच्याकडून अपेक्षा नक्कीच होत्या. पाकिस्तानविरुद्ध दुबेने 9 चेंडूंचा सामना केला आणि त्यात त्याला केवळ तीन धावा करता आल्या. म्हणजे एकही चौकार-षटकार मारला नाही. शिवम दुबेने आयपीएलच्या पूर्वार्धात सीएसकेकडून खेळताना अप्रतिम कामगिरी केली होती. पण त्याची टीम इंडियात निवड झाल्यापासून फलंदाजीत तो पूर्णपणे फ्लॉप ठरला आहे.
शिवम दुबेच्या जागी संजू सॅमसनला मिळू शकते संधी….
आता जर शिवम दुबेला प्लेईंग इलेव्हनमधून बाहेर ठेवले तर कोणाचा समावेश होणार याबद्दल बोलूया. येथे संजू सॅमसन हा एक चांगला पर्याय असू शकतो. संजू सॅमसनसाठी आयपीएलचा हंगाम खूपच चांगला गेला. अशा परिस्थितीत त्याला संधी दिली जाऊ शकते. संजू गोलंदाजी करू शकणार नाही हे खरे आहे, पण कर्णधार रोहित शर्माने शिवमला पाकिस्तानविरुद्ध गोलंदाजी दिली नाही. त्याला फक्त फलंदाजीसाठी ठेवायचे असेल तर शिवमपेक्षा संजू हा चांगला पर्याय असू शकतो. टीम इंडिया व्यवस्थापन याबाबत विचार करत असण्याची शक्यता आहे.
यशस्वी जैस्वालचे पुनरागमन शक्य
त्याचबरोबर यशस्वी जैस्वालही संघात स्थान मिळवण्यासाठी सज्ज आहे. टीम इंडियाच्या प्लेइंग 11 मध्ये शिवम दुबेच्या जागी यशस्वी जैस्वालचे नाव आघाडीवर आहे. तो एक उत्तम सलामीवीर आहे. मात्र, रोहित शर्मा आणि विराट कोहली संघाची सलामी देत आहेत. अशा स्थितीत जैस्वालला तिसऱ्या क्रमांकावर उतरू शकतात. त्याचवेळी हार्दिक पांड्या, अक्षर पटेल आणि रवींद्र जडेजा हे अष्टपैलू खेळाडू म्हणून संघात खेळताना दिसतील जे चेंडू तसेच बॅटनेही उपयुक्त ठरत आहेत.
गोलंदाजीत बदल होण्याची शक्यता नाहीच…
जसप्रीत बुमराहच्या नेतृत्वाखाली भारताच्या वेगवान गोलंदाजीने दमदार कामगिरी केली आहे. अर्शदीप सिंग आणि मोहम्मद सिराज यांनी शेवटच्या दोन्ही सामन्यांमध्ये घातक गोलंदाजी केली आहे. बुमराहने पाकिस्तानविरुद्ध तीन विकेट घेतल्या होत्या. या शानदार कामगिरीसाठी त्याला सामनावीर म्हणून निवडण्यात आले. त्याचवेळी अर्शदीपला एक आणि हार्दिक पांड्याला दोन विकेट मिळाल्या. अक्षर पटेलनेही या सामन्यात उस्मानच्या रूपाने विकेट घेतली. मात्र, सिराजला यश मिळाले नाही. पण या वेगवान गोलंदाजाने चार षटकांच्या स्पेलमध्ये 4.75 च्या इकॉनॉमी रेटने केवळ 19 धावा दिल्या. अशा परिस्थितीत गोलंदाजी आक्रमणात कोणताही बदल शक्य दिसत नाही.
यूएसए विरुद्ध टीम इंडियाचे संभाव्य प्लेइंग इलेव्हन : रोहित शर्मा, विराट कोहली, ऋषभ पंत, सूर्यकुमार यादव, संजू सॅमसन/यशस्वी जैस्वाल, हार्दिक पंड्या, रवींद्र जडेजा, अक्षर पटेल, जसप्रीत बुमराह, अर्शदीप सिंग, मोहम्मद सिराज.
